New Zealand ah 7.4 Magnitude hatna tawh zinling

New Zealand ah 7.4 Magnitude hatna tawh zinling

New Zealand, Christchurch khuapi panin tai 59 agamlatna munah 7.4 Magnitude hatnatawh zinling cih US Geological Survey te’n genkhia uhhi. Zinling hunpen zankim hunpawl GMT 11:02 Sunday) hun ahihi.

Zinling hong khauhpaikikding ki patau mahmah hi. Christchurch khuapi sungah 2011 kumin nasiatak in zin lingawp a, mizong 185 bangin sihlawh hi. Tuaban ah khuasung ahzong inn tampitak in siatlawh ngeihi.

New Zealand gampen Pacific Ring of Fire cihtung ah omkha ahih manin zinling kinawhsak tuam ci uhhi. Pacific Rim panin zinling khatpeuh, meimual puakkham khatpeuh aom ciangin zinling in lawhpheithei hihtuak hi.

Herald Newspaper te genkhiatna ah hih zinling pen Wellington khuapan inzong kitheizo a, Emergency Siren khawngzong gingman ci uhhi. Mite a innpan un taikhia ngeingai uh a, lampi tungah cihnadingpak theilo in om uhhi. Pawlkhat pen laulua ahih manin akapkap zong om uhhi.

Report pawlkhat in genkhiatna ah Epicenter pan anaizawdeuh aom Cheviot Town sungah inn pawlkhat kisia ci uhhi.

Christchurch khuasung aom pawlkhat ii genna ah zinling pen sawtsimtham ling ci uhhi. Zan kalup laitak uh hi a, zin honglingsuak ngekngek in inn kisiading kasaman uh ci’n genkhia uhhi. ZD Sawltak #zomidaily