Tulai USA Kentucky Thuthang :: International Center of Kentucky te vaihawmna tawh refugee te Resettlement Support Center (RSC) intervie -w mankhin MY No. ngahsa te siauh theih, tulaitak a facebook thuthang khat ahih mah bangin thei khintek dingin ih ki lamen hi. Hihtawh kisai ZAM in zong lunghihmawh in ka nakan uhciang a kisam thei khempeuh sapna lai bawlpah dingin hoih kisa a, pawlkhat te zong phone kiset kiaukiau ta hi. Nang hong sam ding te’ kiangah na Min, MY No.,Phone No. Innkuan phazah leh Sponsor/hongsam ding te’ Phone No. bangci kinai –Relationship & Contact No. leh PR/ Green Card, Citizen tawh om maw cih te limtak theih ding kisam hi. Hih tawh kisai a teldot nuamte ading deihsakna tawh Sia Khawmpau: 0012702179593, Kamlet a sem Sia Mungpi : 0012703209953 te tawh zong thu kiza thei hi. A mun a phanuam te a ding: INTERNATIONAL CENTER OF KENTUCKY, Bowling Green – Head Quarters, 806 Kenton Street, Bowling Green, KY 42101, (270)781-8336. Telbeh nop aom leh ZAM zum ah zong kidong thei hi.
REV. DR. KAM KHAW THANG (D.D.) PAHTAWINA LEH DAHPIHNA :: Amasa pen Tedim Lai Siangtho teipa, Zomite Pasian’ khuavak, Pasian’ lamlahna leh khristian nuntak / gamtat zia I theih nadingin muh theih, sim theih ding aa Laisiangtho hong lekkhia masapen leh Sangmangte tawh a na khangkhia khawm Pasian’ nasem micitak Rev. Dr. Kam Khaw Thang zahtakna I pia hi.
Pasian a’ ding le Zomite a’ dingin a cihtakna tampite sungah Tedim Laisiangtho teipa (Translator) ahihna siksan in, Malaysia a om thu-um pawlpi tuamtuamte le mimal tung pan in pahtawina le dahpihna in sumpi donsak dingin khensatna kinei hi.
Tua ahih manin, pawlpi le mimal tung pan piakzawh zahzah gawmkhawm in kikhak ding ahih manin piak ding lunggulhna a nei khempeuh in ZAM zum nongpuak nadingun kong theisak uhi.
Anunung pen April 30 (Sunday) Receipt tawh sum ki letkhan/ kisang ding hi. Telbeh nop a om leh a tunga thu kizakna te tawh hong zasak un.
LUNGKIAT NATNA KOI CI DAL DING :: Leitungah mitampi takte natna tuamtuamte kibawlna dingin Zato hoih tuamtuam agamgam ah kibawl aa, mitampi takmah inzong damna ngah uhhi. Ahizong in lungkiatna pen Zato pan akibawl theilo natna khat ahih manin tuni dongin mitampi te in tua a lungkiat alungkham nate uh aveen nading in, amahleh amah ki gui awkna (suicide), Zu dawnna, Zakang tepna, Laithai kapna cih bangdan in lungnopna hong zong uhhi. Ahizongin tuate in lungkiat natna hong damsakzo tuanloh banah neih leh lam hong mangthangsak, apumpi hong siasak leh gamtatsia vive hong tun zawsop hi.
Leitungnuntakna :: Na nuntakna khimbang zingin kamsia tuahsia kisakha nahiam? Na deihlohpen thute , na phulkhak noploh thute, gual lelhna leh daupai lohna, dammawhna leh dahna kahna te a lom atangin tuakkha kisa nahiam? Nidang in gualzo in nahauh naliat lai napaallai nite in hong mai etnuam a hong liaknuam liang nalawm nagual ten gentheih hamsatna na phul khak teh hongpom hongliah hongdaal nawnlo in, ka nuntakna aw, lam et beizensi ci in na khuisa khazel maw? Lungkia ken zan khuazing meimai pi in khuaimei kivak kiukiau khat zong mit sak zo tuan lo hi. Na lungkiat masiah nang kuaman hongkhoih theilo dinghi.
A taktak in cileng hih leitungin ei hongbawlsia hilo zaw in ei te lungsim puak dandan in thu hong khen nahizaw hi. Leitung ah ii tuah khak, ii phul khak thute in Sia hoih penpen khat ahhi. Tua in namai lam kalsuanzia ding hong lak ahihi. Na hanciamnate hongbawlsia, hong susia leh hongkhaktan thei nate pen tua natuak kha thute in khensatna maan na ngah theih na dingin lam hong lak dinghi. Leitung ah mikim tuak khak thu in a nuntak sungun thu haksa pen khat leh guallelhna lianpi khatta phul kha hamtang cih thu ahihi. Tuabang dan na tuak khak ciang in lungkiat ding hilo zaw in thasan ding hi zaw hi. Tua ahihmanin lawm aw, nangna lung a kia ngei hiam? Na lung akiatciang bang hih nahiam? Bang in nang lungkimna hong piazo pen hiam cih dotna khat hong dongh masa nuam ingh. Anuai aa bang in lungkiat natnate pan ki daal theihi.
1. NA NGAIHSUTNA TE KHEEL IN :: Na lungkiatna thu kantel masa inla, bangin nang hong lungkiasakhiam cihthu kanmasa in. Na ngaihsut na te khel in. Mihingte lungkiatna pen hihthuteng hang hi thei pha diak hi. Midangte sangh ka tei zawk loh na, pilna leh siamna ka neih loh zawk na, Ka zawn zawk na, mite neu muh leh mite thusim khak aa omlo in misim mawh in nungta cih bang in ei leh ei thanem detnate pan lungkiat natna kingah baih pen hi. Mitampi takte lungkiat na leh guallelhna thusimin “Nasep sibawl nate ah sesum sila leh gilpi puah na ding bek in nasem kisakkhakna” ahihi. Tua hihman in tavuan khit na peuh
aa, nasep in gualzawhna hong pia ngeilo khantohna ding zong hongkhaktan ahihmanin khantoh zah ding ii khantoh loh teh kithanem in kilungkia theihi. Mihingte gualzawhna hongpiatheipen thu in ama sep leh bawlnate tungah lungkim na angah mite ahihi. Gual zawhna pen khat vei vei , sum leh paai tawh kitehkak thei hi hang, ahizongin gualzawhna tak takpen ii ngim ii tupnate ii ngahna leh ii tunna hi zaw hi. Gentehna in, Scientist Albert Einstein in asepna tungtawnin sum leh paai bangmah mulawh lo ngahlawh lo himah tase leh amah pen aguallelpa kici theituanlo hi. Einstein pen ama dinmunpan in asangpenmah natungaa, ama ngaih sutna leh muh sa thute in leitung kilumlet sak zohi. Tua ahihman in ama min pen tuni dongin mangngei nawnlo hi. Hih bangdan in a gual zawhna pen khentatnamaan aneihhang ahihi. Azom maikal ah ~ Sia Fransic Kham
ZAM ZUM AH THUNGETNA HONG NEIH SAK :: Victorious Living Assembly ah Pastor sem Rev. Dr. Dal Za Cin in ZAM zum ah hong hawh in Zomi te a ding leh zum a sem palai te a ding thungetna hong neih sak a kilungdam mahmah hi. Siapa leh a pawlpi thupha hong piak sak semsem tahen.
INSURANCE NA BAWL HAMTANG UN :: UNHCR Cidamna lampan a pulakna ah RHB insurance company tawh Operation tampi kibawl khin ahihmanin insurance bawl nailote limtak hanthawn a bawlsak ding hi, tua hikeileh galtaite kibawl zolo in mi tampin sih lawh khin ding cihi. Tua ahihmanin sum na mawkbeisak sang ih muh kholh theih loh Ih mailam ding kikhual kawmsa in RHB Insurance leh ZSM Genvai te limtak ngaihsun in. Kuamah kiang leitawi lo/Pawlpi, khua leh tui buaisak loin, ei leh ei I hih theih nang a hun om lai in kikhual ciat ni.
NA TANGTHU LIMTAK THEITEL IN :: Na UN tangthu limtak natelkei leh UN te leh kamlette mawk mawhsak ken UN ten’ a aw tawh zong khum ung, ki hong/ngai kikthei ci ahihmanin, kiging lopi in UN ah interview mawk lut ken.
CARD RENEW :: Napai ma na tangthu limtak enpha in, UN na paima a thei dingte kiangah kuppih masa in. UN zum sung leh huangpua dongah CCTV om ahihmanin na tangthu na et kuaukuau hong kitheih leh sanzawh lohna lai in inn natun ma hong makhelh thei ding hi.
UC LETTER :: UN ten na ID card laidalpi tawh hong laihsak leh appointment zong na hipah thei a hihmanin zumpanna ciah khiat ma limtak navai dongtel in, mi tampi appointment date/ni theilopi in ciah uha, a deadline/ani khengval khit ciang kintakin hongpai thei uhhi. UN te hong vaikhakthu na telcian zawh kei uh leh ZAM ah nalai ngah teng tawh hong pai pah in, “Na hun leh navai te hun kiciang tan sungah om napi hunmawk beisak ken, off day ngahloh paulap ken.”
ZSM pan phamsa te phawkna Volley Ball ki demna om ding :: ZSM pen 2009 pan kipan khia hi a, tua hun pan kipan ih Zomi pih luang 300 dektak bang kipham khin hi. Hih Malaysia ah innlam hamsatna tawh sum leh paai zongin hongpai hi napi Malaysia leitang tungah thu tuamtuam leh vai tuamtuam hang tawh nuntakna hong bei lawh ih sang gam te I phawkna in Volley Ball kidemna khat kibawl ding hi. Khua ahi a, Pawlpi pan a hi zongin a lunglut peuh peuh kilut thei ding hi.
Volley Ball kidemna ah a lut nuam te in Lutman RM 200 hi ding a, May 1 ni-in min sazian tawpni ding hipah hi. May 1 ni-in Group khenna zong kinei pah ding hi. Kimawlni ding pen May 8 hi ding hi.
- Volley Ball a khatna –RM1500 + Cup (RM 500 man) leh Medal
- A nihna –RM1000 + Cup (RM 300 man) leh medal
- A thumna— RM 500 leh Medal kipia ding hi.
Volley Ball kidem ding ni pen 08 May 2017(Monday)ni hiding hi.Tua ahihmanin sum na mawkbeisak sang ih muh kholh theih loh Ih mailam ding kikhual kawmsa in RHB Insurance leh ZSM Genvai te limtak ngaihsun in. Kuamah kiang leitawi lo/Pawlpi, khua leh tui buaisak loin, ei leh ei I hih theih nang a hun om lai in kikhual ciat ni.
Kimat kihen na tuahkhak leh: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.
NAMSIA ZA KI LEI THEI :: Na innkhan sungah namsia tamin zan nuamtak in ihmu thei loin na om kha hiam? Tua dan in namsia twah a buai den I om leh tua buaina pan hong dai sak ding Namsia za a vui te zong ZAM zum ah kilei thei ta hi. Thoh khat ciangin RM15 tawh deih zahzah kilei thei ding hi.
WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Associati -on of Malaysia(ZAM) zum ah nong hawh/pha hamtang na ding un itna lianpi tawh kong zawn uh hi.
RHB INSURANCE CARD HONG LA UN
- 1. Sawm Hau Mung 11. Don Deih Kim
- 2. Zam Lam Thang 12. Thang Min Lian
- 3. Esther Kim Nu 13. Gin Khan Uk
- 4. Robert Thang Sian Langh 14. Hau Lawh Lun
- 5. Cin Lam Mung 15. Nang Kaih Mung
- 6. Kap Gel Thang 16. Mang Lian Pau
- 7. Mang Pi 17. Mang Kim Mung
- 8. Mang Lian Pau 18. Langh Ngaih Hau
- 9. Cing San Lun 19. Khup Cin Tung
- 10. Hau Lian Thang
NA BANK CARD UH HONG LA UN
- 1. John Thang Sawm Mung
- 3. Zom Dim
- 2. Go Thawn Khai
THONGVAI BUAI PIH TENG
1. Do Sian Piang(Tuitangzang) Kajang thong ah
Thongkia te theih huai
Hong kiman in lockup na tun khit ciangin Mahkahmah hong pai pih leh kawlgam ciah nuam ing cipah lecin thonginn sung ah sawt omlo tuam ding hi teh.
ZATOVAI BUAIPIH TENG
- 1. Suan Tuang(Laatui) Putrajaya pan Batuarang UN te cina koihna ah vapuak
- 2. Niang Deih Lun(Tuicinlui) HKL
- 3. Thang Sian Mang(Lailui) HKL
- 4. Sian Khaw Cing(Tuitum) HKL
ZAM MEMBER TE A DING NASEP :: ZAM member te a ding nasep tuamtuam om hi. Nasep leh Zato lam tawh kisai Contact : Sia Khuppi 016 3838 014
LUNGDAM KOHNA
- 1. Zam Khan Suan(Suangphei) RM50
- 2. Thang Khen Mang(Lalta) RM50
ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uhhi.
Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Comment piaknop aomleh...