“Snakes on a Plane” cih Hollywood Movie sungah aki muhtheih mahbang in Perlis Royal Malaysian Customs Department te’nzong meileng tungah akipua gul 181 mankhia uh cih theSun Daily pan kiza hi. Hih gul tepen Thailand leh Malaysia gamnih kikal atai meileng “Bangkok-Padang Besar express train” tungpan in aki mankhia ahihi.
Serpent kici gulpi 181 banah adang ganhing tuamtuam ahi Iguana kici thankitnamkhat 2, Dhab Lizard kici innhik namkhat 28, Squirrel kici zulei namkhat 10 leh Bilpi (Rabbit) 11 tezong kimankhia cihi. Galhing avek in akiman pen 248 bang hi a, avekin amanzah akituat ciangin RM70,000 bang manneiding cih kiza hi.
Hih ganhing te pen Thai gampan in Malaysia gamsung ah hongki zuakpheisawm hi a, meileng tungah ip 4 sungah kikoih in akiman ahihi. Tua ip 4 tepen Ticket omlo, anei omlo in meileng tungpan muanmawh in aomciang in akitheikhia ci uhhi.
Custom Department Director khat ii genna ah hih ganhing tepen khawiding in kizuakkik thei a, sum tampipi tawh mihau te’n leingam uh cihi.
Hih ganhing tepen tuni zingsanglam in akiman hi a, Custom Officers te’n Passenger leh Cargo Coach te asit uhciang in amuanmawhhuai ip 4 mukhia uhhi. Bag 2 pen Cargo Coach sungpan kimukhia a, adang Bag 2 pen dailenbuk sungpan ki mukhia hi.
Hih Bag 4 teng Scanning Machine nuai ah akoih uhciang in asungah agamtang leh alingling om ahih manin, aki honkhiat ciangin ganhing honkhat akimukhia hi ci’n Custom Director pa in genkhia hi.
Hihvan te tungah Ticket omlo, amin kigelhlo ahih manin anei kitheikhiazo nailo hi. Tua hi a, Customs Act 1967 thukhun tawh kimanphot in, Perlis Department of Wildlife and National Parks te kiangah kikoihphot cihthu kiza hi.
Related: Bangkok ah numei khatin dailenbuk azat laitak gul in anuaipan tuto
“Snakes on a Plane” ahih keileh “Vanleng tungah Gul” cih thulu anei Hollywood Movie bang hongphawksak mahmah hi. Tua Movie na etkhak naikeileh hih LINK ah apat pan atawpdong Full Movie ki entheiding hi. Sawltak #zomidaily
Comment piaknop aomleh...