Phualva nih kamciam
‘Lawm aw Zogam mualsiangtho te, huihdam nung hiauhiau te, a diktat mahmah Zomi le Zongeina, a siangtho guntui, luitui, ciktui luangsialsial te, a etlawm mahmah mualsang dawn ah phuitongpaak leh geisok paak te leh singsang dawn te nusia in cikmah ciangin mundangah paikhia kei ni maw. Zomi le Zogam nusia in cikmahciang gamdang leidang zuan kei ni’ ci in kiciam uh hi.
Nikhat phualva nupa te hong kiho leuleu uh hi. ‘Nau aw, Zogam nusia lo ding i cihhang i nekding anbeita, i tuan nading singsang teng kiphuk gai ta, ciktui te kangta, paakkung te omnawnlo, huih siangtho nawnlo, a mite’n Zomi lungtang vom nawnlo bang cih ding i hia?’
‘U aw, bangbang hileh Zogam nusia phot ni. I kiciamsa a hizong i nuntak nading i zon kul ding hi. A hih zawhleh Zogam galvil zel ni. Kum khat 1 vei, kum 5 khat vei a hiaa kum sawm 1 vei a hizong ciahzel ni’ ci in kithukim uh hi.
Tuaciangin gamnuamzuanin hong lensan aa Zogam nusia ta uh hi. Ahizongin kum 100 dongin Zogam ah phualva te hong ciahkik nailo uh hi.
Hih phualva te gamtatzia teng a thei papi nih ki ho uh hi. Zogampan a lengkhia phualva te i mawhsak nading om kei. Kua mah in a sih nadingin kiciam ngei kei. Kamciam cihpen omkhop tawntung nopman hi zaw hi. Zogam tawh a kamciam sangin nuntak theih nading thupi zaw hilo hiam? a cihleh a lawmpa in hilua hilua. Hih phualva te ka muhciang ThawmKham bang phawk zawzen hang. hahaaa’
An saal (buhtang ip) sungah huan ding an a omloh ciangin itna in lengva bangin a kha tawh innsungpan in hong lensan thei hi.
Itna, ki ngaihna leh kiciampakna nungah gilkialna, nat le sat, a suk ato hong omlai ding hi. Tuakhit ciangin zi le ta te tawh bangci nuntak ding cih na theihkhit ciangin ki teenna neihpan ding thupi hi.
Hihthu i mangngilh khakmanin ki itpipi, ki ngai pipi, omkhop cimnailo pipi ki khenna (ki gamlatna) hong tung thei hi. Hihpen Laisiangtho honghilhdantawh kituak hi. Siamsin Library
Comment piaknop aomleh...