Nang a ding thalakna kammal pawlkhat

Nang a ding thalakna kammal pawlkhat

1. Lungneuna pen nasepna tawh ki beisak thei hi. Tuni mahmah in a si ding ka hi zongin ka nasepmah semsuak ning cih lungsim nei in.

2. Ka mawhna nong maisak zawhgap kei leh ka hoihlohna ngaihsun kei in. Ka hoihna teng hong ngaihsutsak zaw in.

3. Lungkiatna pen mikhat tungpan khat tungah kilawhthei hi. Na kikholhpih mite sittel in.

4. Leitungah haksatna te khaktanna hilo cih phawk in. Hong kikhaktan hilo aa a sangzaw na tuntheih nading laivuan na hizaw hi.

5. Pilna, hauhna leh siamna te lungsim deihna tawh kipan masa den hi. Deihna kiciankhat nei phot in.

6. A kikhelkik theilo zongsatna omlo hi. A kikhelkik nuamlo lungtang tamzaw a hihman a hihi.

7. Lungsim le pumpi a cidam nadingin hunmantak a nasepna, khuak tawh nasepna te sepna, tha om sak an te nekna, nuihnale upna muanna neihna te ki sam hi.

8. Cilluatna in lungsim natna piangsak thei a hihlam mitampi in theikha lo uh hi.

9. Sum 1000 tawh minsiatna ki ngahthei aa tua minsiatna 1000 million tawh ki phiatkik theilo se hi.

10. Na pa in thu hong hilh kei leh na nu in hong hilhzo lo ding hi. Na nu in hong hilhzawh kei leh na sia te in hong hilhnuamlo kha ding hi. Na lawm te in siatna lam ah hongbehlap zawsop ding uh hi.

11. A kiniamkhiat nuamlo khangham te a maubek innkhat sungah tengthei cih tuhun ah theihhuai mahmah ta hi.

12. Mi bangin na nuntak theih keileh nganhing nabangh thei tuankei hi. Mi tawh a kibanglo mi na hiaa leitung a’ding lauhuai hi.

13. Ki niamkhiatna pen mihing te hong melhoihsak, hong ngaihbangsak, hong etlawmsak kizepna khat hi gige hi.

14. Mi tawh nakipawlkhop theihkei leh leitungpua lam ah a omtawh a kibang na hihi. Mi lak ah hong pai photphot in.

15. Hauhding leh pil ding na zon zahmahin lungkim theih ding hanciam in. Siamsin Library