Tuitawh Khua ah Innkang vai & ZYA News tuamtuam

Tuitawh Khua ah Innkang vai & ZYA News tuamtuam

Pa Pau Khan Suan (Tuitawh RC Pawlpi) pen lokuan kal in a tap kualpan kipan in kuanga inn kangtum ci hi. A katlam aki theih teh zekai luata ahih manin bangmah lakhia man nawnlo ci hi. Sungpiang Ta 6 nei in a zi in sihsan khin hi. Neihlelam vekpi beisiang ahih manin Leitungbup a om Zomite in pek 1 pek 2 tek bektawh i panpih zawh nading lunggulh sak mahmah hihang. Innkuan nuntak zia pen Tate sangkah lai, pa in mehteh mehgah tan in Ciau lam ah zuaksawn zel ahi hi. A huh nuam i om khak le ZYA Myanmar HQ in vaihawm sak ding hi cih kizasak nuam hihang. ZYA Myanmar HQ, February 14, 2018

Pa Ngin Khaw Cin (Kum – 65)

Baby Home kiang Munlai a teng Bethsaida AG Pawlpi mi in February 11, 2018 ni 9:00 pm pawlin Kalaymyo zato pan awm sung natna tawh hong nusia in ZYA Motor tawh Zatopi pan a inn uh kipuak thei hi.

Feb 11, 2018 (Sunday) ni in Tahan a Roman Catholic (RC) pawi sim a hong pai Kanan pan Nungakno khat Khaikam Palik (Police) te kiang nana tung in Zomi ahih teh ci in ZYA Hlaingthaya&Khaikam tetung nana ap uh hi. Tuapan aki kankan ciang Kanan a teng Thado kampau Lia Niang Khaw Ciin (Kum – 11) Pamin – Pa Thang Khaw Lun, Numin – Nu Dim Khaw Nei cih kikan thei a Kanan khua a inn phual dong ZYA Myanmar HQ motor tawh kikha hi.

ZYA Myanmar HQ pan Thukin Theihsakna

Kalaymyo Khuasung bit nading nitak vengsung teng vak kawikawi na ah ZYA Zumpan min le sign ki la ciatciat ta hi. ZYA Min paulap a zu kham sa a vak pawlkhat om ahih manin tuabang mite hong ki theih a ZYA Zumah min le sign a om kei le thukhun ombang in Kalay Police ah nai 24 lockup hi ding hi.

ZYA Security Vakna pan Accident pi mun 2 ah (Feb 6, 2018)

(1) 10:00 PM in RTC Veng ah Cycle le Cycle kitaih Zomi khat le Hakha numei Kum 20 kim apha Khaisapee acih hi in amah gim pian in Zatopi ah kipuak suak in Zato lumsak suak hi.

(2) 11:00 PM hun pawl in tai 9 ​College mai ah cycle leh motor ki taih in a mun ah Cycle tawh pen sipah hi. A motor pen tai suak hi. ZYA motor ong ki sapna tawh ki zui in kideihto in zato sihbuk ah aluang ki puak hi. A mi pen kua cih ki thei zo nailo hi. Sangnaupangte mah hih tuak hi. Credit: Khupboih

Bethel ZBC, Kalaymyo Pawlpi (Rev Pau Khan Khai, ZYA International Consultant Pastor Sepna) in ZYA Security Fund Ding Ks. 100,000/- hongpia khia hi.

Motor Cycle tawh Group 6 in a ni kikhel in vengsung kivak kawikawi hi. Nisim update kibawl nawnlo ding hi vengsung bit nading migilote mat khiat zawh nading lam tuamtuam tawh kihan ciam hi. ZYA Myanmar HQ, Feb 6, 2018