US galkap vanleng khat Mississippi ah kia in, mi 16 si
U.S. galkap te vanleng khat Mississippi ah kia in, mi 16 si cih Reuters pan kiza hi. Tua akia vanleng pen U.S. military transport plane kici a, Monday nitaklam in Mississippi sungah akia hi ci’n U.S Marine Corps te’nzong genkhia uhhi.
Marine Corps te’n Statement ah agenkhiatna ah tua akia vanleng pen KC-130 Hercules transport aircraft ci a, North Carolina, Marine Corps Air Station Cherry Point panin alengkhia cihi.
Alen khiatzawh asawtlo in Mississippi tungah alen laitak in Radar panin mangcip a, Air Traffic Control panin ki thuzakna omnawnlo cihi.
Tua vanleng pen Northern Mississippi’s LeFlore County sungah nitaklam 4pm hunpawl in akia nahi a, akiatna mun leh Jackson City pan 100 Miles khawng kigamla cihi.
Hih vanleng akiatna ahang pen kitheicianlo ahih manin, thunei te’n kanciansan uhhi. Vanleng kiatna ah asi Service Members tezong amin apuam ki pulak khianailo uhhi. A innkuanpih te ki zasak masading a, tuakhit ciangin mipi theihding in ki tangkokhia panding hi.
Video: Sixteen reported dead in military plane crash in Mississippi
Hih akia vanleng Aircraft pen U.S. military transport plane akicih mahbang in vanpuakna in akizangzaw ahihi. Vanleng khatpan in adangkhat ah sathau thunsakna air-to-air refueling, Air Cargo, Tactical Passenger Missions cihbang in akizang cihi.
Related: Galkap vanlengkia ii ameilam “Tail Section” ki mukhiata, misiluang zong 90 kimukhin
U.S. Navy website te genkhiatna ah hih vanleng pen Crew Member mi 3 in ahawl cihi. Vanleng sungah galkap Ground Troops akigawm in mi 92 bang tuangthei ci a, vandawn pan alengkhia Paratroopers galkap te ahihleh mi 64 bang tuangthei cihi. Sawltak #zomidaily
Comment piaknop aomleh...