Japan gamsung tuicin tuahsiatna hangin misi kibehlap toto, mi 141 sikhin
Japan gamsung ah khuahun siatluatna hangin tui khanggawp in, mencim in leitolh omkawikawi a, Tuesday ni ciangciang akizakna ah mi 141 takin sihlawhkhin cih AFP pan kiza hi. Hih tuahsiatna pen Japan gamsung ah khuahun siatna hangin tuahsiatna alianpenpen “Japan’s worst weather-related disasters” ahihi.
Innsia losia kawmlak ah aomkha aomhiam ci’n Resceu Worker te’n innkhatkhit innkhat lutkawikawi in, zongkawikawi uhhi.
Nungkalsung akipan Japan gamsung ah guahtui tamcihtak in tamgawp a, tuicin tungkawikawi in, khuasung mipi te cimawhthei mahmah uhhi. Kurashiki City sungah District bupin tuicin tunggawp ahih manin, khuasung mipite innsung ah omtheilo, apualam ahzong taikhiat nading omlo ahih manin, mi pawlkhat inntungkhum “Rooftop” ah khatpeuh in ahotkhiatding angak in om uhhi.
Okayama Prefecture Government in agenkhiatna ah Tuesday zingsanglam akipan Rescue Worker te innkhatkhit innkhat paikawikawi in, anungtalai ahih keileh asi khatpeuh aomkhahiam ci’n leizon kawikawi uh cihi.
Japan gam ii Prime Minister Shinzo Abe zong gamdang mun 4 ah khualzinding in ageelsa hi a, tuicin hangin misi aki behlaptohtoh ciangin lunghimawh in Monday ni in akhualzinding dinkhawlkik hi.
Top government spokesman Yoshihide Suga in Tuesday ni in agenkhiatna ah tuciangciang asi pen mi 141 phakhinta hi ci’n pulakkhia hi. Tuaban ah mimangcip honkhat omlaimawk ahih manin, misi pen ki behlap totothei khading cisawnsawn hi.
Western Japan leh Central Japan sungteng ah tuahsiatna athuakte ahuhdingin Search & Rescue Operation kisemkhin a, Police, Firefighter, Troop akigawm in Rescue Team mi 75,000 kuakhia uhhi.
Japan Government in hih Disaster tuahsiatna hangin cimawh dongtuakte huhnadingin $20 Million zatding geelna nei uh cih kiza hi. Sawltak #zomidaily
Video: Rescue workers carried out house-to-house searches Tuesday in the increasingly unlikely hope of finding survivors after days of deadly floods and landslides that have claimed 141 lives in one of Japan’s worst weather-related disasters for decades. The record downpours that began last week have stopped and receding flood waters have laid bare the destruction that has cut a swathe through the west of the country.
Japan ah guahtui tamluatna hangin tui khawnggawp, mi 38 sikhin in 50 val mangcip
Japan gamsung ah guahtui tamluatna hangin tui khanggawp a, mi 38 bangin sihlawh in adangzong mi 50 valbang mangcip uh cih Reuters pan kiza hi. Japan Public Broadcaster NHK te’n agenkhiatna ah Western leh Central Japan gamsung tengah Saturday ni in “Torrential Rain” guahtui tamluatna hangin mi 1.6 Million valbang aomna inntekpan un ki hemkhiasak khinta hi c’n genkhia uhhi.
Honshu Island sung aom Prefecture mun 3 ah tui khanglaiding ahih manin lauhuailai hi ci’n Japan’s Meteorological Agency te’n Special Weather Warning piaknazong neikhin uhhi.
Guahtui tamluatna hangin luitui te khanggawp laiding, mencim leitolh cihtezong omtheiding, huihpi inzong nawktheiding kici hi. Japan gamsung ah hizah in guahtui tamgawp pakpak ngeilo ahih manin, hihpen ahuaisia penpawl “Historic Rain” akiciliang ahihi.
Hih khuahun siatna hangin Japan gamsung muntuamtuam ah tuahsiatna tampi piangin mi tampi in asihlawh ahihi. Tuaban ah aliamgawp zato ah Critical Condition tawh akikemzong pawlkhatmah om uhhi.
Fire and Disaster Management Agency te genkhiatna ah tui khanglaiding, mencim leitolh cihte omtheilai ahih manin Saturday zingsanglam ciangciang aomna innpanin aki hemkhiading in thu akipia pen mi 1.6 Million bang phakhinta ci uhhi. Tuaban ah adangzong 3.1 Million valbang aki hepkhiat behding un ki zasakkhin cihi.
Chief Cabinet Secretary Yoshihide Suga inzong hih khuahun siatna tuahsiatna hangin ahuhdingin Police, Firefighter leh Japan’s Self-Defense Force panin Officer mi 48,000 bang ki kuankhiasak khinta hi ci’n genkhia hi.
More: Japan ah Rollercoaster khat vandawn ah bungbusa in khawlcip, mi 64 awkcip
Khuahun asiatgawp ciangin setzung Industry pawlkhatzong kikhakcip a, mawtaw akibawlna Automaker te’nzong nasep khawlsak uhhi. Hih khuahun siatna huhau in Japan gampanin akibawlkhia mawtaw leh Electronic vanzatte aman khangsemsem khatheiding hi. Sawltak #zomidaily
Comment piaknop aomleh...