Phiat ngam lel in ~ Sia Do Khup

Phiat ngam lel in ~ Sia Do Khup

Laikhat, thuthang khat kigelhleh akhelkhel in Comment apia sese, alum alet in aciakciak te’n hih anuai a Sia Do Khup gelh “Phiat ngam lel in” acihpen nasimleh hoihding hi. Sia Do Khup inzong nawngkai asak simsim tampianta hikhading hi. Tuabang milaklawh tetawh Group khatsungah ihki kholhkholh sangin, kisawh khakeileng ihlungsim cidam zawdingdan hi. Ahoihlamding lunggulhna tawh Constructive Feedback, Criticism kipiakpen ki zadahlo hi. Ahi zongin mipite phattuamna aommello, Personal Attack peuh abawlbawl leldih pawlkhat omthei hi. Tuahang in Zomi Daily Group ii Description ahzong hih anuai abangin aki suaksak ahihi.

Thukham ahilo theihding thu:

Hehpihna tawh khatlehkhat mimal, pawlpi, beh, khua, Party ki mindaisakna Personal Attack bawlkei ni. Ngaihsutna kician anei vive ihhih manin, ih Post khiat lai in laigelhpa lungsim hong kilanghsak pahpah cih phawk ni. Zomi te phattuamna apialo, mipi lungsim a nawngkai saklel dingin aki Post aomkhak zenzenleh ki Delete ding ahih manin, khatlehkhat ki theisiamding hihang.

Personal Attack leh laiginalo nasak aomleh “Report to Admin” cih nameksak inmaw. Lungdam!

***Spam khahkhia te ki Banned pahding a, aki khialkha ahih leh Personal Message in hong Contact kik un. Hongki Add kikding hi.

Spam obviously gets you instantly removed and banned (if we make a mistake, it happens, reach out personally to any of us and we’ll get you back in).***

PHIAT NGAM LEL IN ~ SIA DO KHUP

Na upna hong nawngkaisak mite, Group ahi a Friend ahita zongin manlang takin phiat ngam lel in. Online ah zong kikhawl lo ding bek thamlo a mihing mahmah tawh zong kikhawl vet kei in.

Zukham kawm khawng a ciakciakte, mi pawlpi teng a ban gensiatte tawh na kikholh nading a nuai a Lai Siangtho munte in hong hilh cian hi.

“Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.” 1 KORIN MASA 5:11 TDB

“Pasian tawh mite a kigamlasak semsem thei thu ginalo, a haihuai thu kikup thu kiselnate na pelh in.” 2 TIMOTI NIHNA 2:16 TDB

“Timoti aw, nang tungah a hong kipia thute hoihtakin na zui in. Mi pawlkhatte in, “Thu theihna,” ci-in a ngaihsutkhak uh, Pasian’ thu tawh a kituak lo, thu kihai selnate na pelh in.” TIMOTI MASA 6:20 TDB

“Ahi zongin a haihuai thu kiselna, min kigual deudau khangsimna, kitotna, thukham kitotlawhna cihte na pelh in. Tuate a kimanna a om lo, a mawkna thu hi lel hi.” ‭‭TITUS‬ ‭3:9‬ ‭TDB‬‬ From Sia Do Khup