Indonesia, Lombok ah zinling in mi 14 si, adang 162 liam

Indonesia, Lombok ah zinling in mi 14 si, adang 162 liam

Indonesia, Lombok Island ah Sunday ni in 6.4 Magnitude thahatna tawh zinling in mi 14 si cih AFP pan kiza hi. Lombok Island kici tuikulh pen gamdangmi khualzin atam mahmahna Popular Tourist Island khat ahihi.

Zingsang tunglam in zingling akipan hi a, inn kicimliang in zinlinggawp ahih manin, khuasung mipi te innsung ah omtheilo, om ngamlo uh a, innpualam tualzang lakah taikhia ngeingai uhhi.

Zingsang khuasung mipi te ihmut hithiat laitakin zingliang akipan ahih manin, asi mi 14 ban ah aliam bekbekzong 162 bang pha uhhi. Inn akicim, innsia zong tultampi phading kici hi.

Zinling ahuaisiat diakna Sembalun Area munte ah Electricity meitha zong kisiacip sawnsawn hi. Hih zinling ah asi te lakah Malaysia gammi numei khatzong kihel hi ci’n Disaster Mitigation Agency panin Sutopo Purwo Nugroho in genkhia hi.

Video: A powerful 6.4 magnitude earthquake struck the popular tourist island of Lombok in Indonesia on Sunday killing 14 people and sending villagers fleeing from their beds into open fields to avoid collapsing buildings. The quake, which rocked the island early in the morning when many people were still asleep, injured 162 people and damaged thousands of houses.

Tua Malaysia gammi numeinu pen Mount Rinjani kicihna aminthang Trekking Destination ah ahawh laitak ahihi. Tua mualtung kahna lamah mencim leitolh om ahih manin, gamdangmi Tourist tampitak awkcip uhhi. Rinjani National Park panin akigawm in mi 115 ki honkhiathei khinta hi ci’n Disaster Mitigation Agency spokesman in genkhia hi.

Tulaitak zatui lamsang siavuan Medical Personnel, cina zawnna Stretchers, Health Equipment, Kids Wares leh nekding kisamkin mahmah hi ci’n genbeh hi.

Zinling thahatna Magnitude 6.4 Earthquake cihpen ahuaisia, akhauh in akiciamteh hi a, innlelo tampitak asusiathei zahdingin akhauh mahmah ahihi.

US Geological Survey te genkhiatna ah zinling kipatna laizang pen Mataram City panin tai 31 Miles ki gamla ci uhhi. Indonesia gamsung ah gamdangmi te alimpai penpenna mun Top Tourist Destination ahi Bali Island ahzong hih zinling pen kitheitham khopin khauhmahmah cihi.

More: Taiwan gamsung ah zinling, mi 2 si in 219 liam, adangzong 150 mangcip

Indonesia gampen “Ring of Fire” kici meimual puakkhamte akizopna tungah omkha citciat ahih manin zinling pahpah hi. Indonesia gamsung bekbek ahzong Volcano akigawm in 130 bang om cimawk a, meimual apuakkhap cianginzong zinling tawh kizomthei pahpah hi. Sawltak #zomidaily