Gual zote le gual lelte ~ Peter Khualtawng

Gual zote le gual lelte ~ Peter Khualtawng

Mi gualzote in “Nang ading hong sep sak ning” cih kammal zang in, Mi guallelte in ahih leh “hih kei sep ding hi kei’ ci thei uh hi.

Mi gualzote in haksatna lak panin gualzawh nading lampi mu thei uh a, Mi guallelte in ahih leh gualzawh nading anawng kaisakthei haksatna tungah kinga in mu thei uh hi.

Mi gualzote in “Hih pen haksa mah mah kha ding hi, ahi zong gualzawh nading lampi om hi” ci uh hi. Mi guallelte in ahih leh “hih pen kizo theiding hi, ahi zongin ei adingin hamsa lua in teh” ci-in lungkia ziau uh hi.

Mi gualzote in khialhna abawl khak uh ciangin”Kei khial ing ei” ci-in amau mawhna tungah vaipuak la ngam uh a, Mi guallel te’n ahih leh khialhna abawl khak uh ciangin “Kei khialhna hi kei” ci-in amau khialhna midang tungah tu sak ziau uh hi.

Migual zo te in amau kamciamna tang tung sak zo uh a, mi guallelte in kamciam piapia pongin bang mah tangtun zo ngei lo uh hi.

Mi gualzote in amai lam ading ngimna tupna le masuan nei uh a, mi guallelte in amailam ading geelgeel lel uh hi.

Mi gualzo te in ka mailam ading na khat limlim kasep loh phamawh ding hi ci uha, mi guallelte in ka mailam ading na limlim ka sem khin lel hi ci uh hi.

Mi gualzote mite tawh kipawl thei in, Mi guallelte ahih leh mi tawh kipawl theilo uh hi.

Migual zo te in na khat peuhpeuh asep na panin mai lamah amau hanciam na tung tawn in a ngah ding uh mu khol uha, Mi guallelte ahih leh amau thuakna bekbek ham sat ngaihsut uh hi.

Migualzo te in na khat peuh peuh hi thei in teh ci den uh a, Miguallelte in ahih leh na khat peuhpeuh ah hamsat na bekbek mu uh hi.

Migualzote in na khat peuhpeuh tungah gualzawh nading upna nei uh a, Miguallelte agualzawh ciangin midangte ading khitui luanna hi thei hi.

Miguallelte in ahih leh thu khat peuhpeuh akawi amaam in kantel sese in vai thupi sepna ding ngah nading munte ah thusia lampi tawh ngahding hanciam uh hi.

Tua banah thu theih khat peuhpeuh sin sawm zat sawm pahlo in mi nuntak tung pan sinsawm zatsawm pan uh hi. Tham lo in a ngimna a tupna uh bangin han ciam lo in a piang bangbang ahi ding mah hi lel ci uh hi.

Mi gual zote in thu khat peuhpeuh kam/aw khum takin nial tuaktuak ahih leh nial in ngaihsut hoih piak nading munte ah pia uh hi.

Mi gualzote in midangte amau mah bangin mu in hehpihna lungsim nei uh hi. “A diakdiak in ei tungah hong kibawl ding i deih loh mah bangin midang te tungah bawl sawm lo uh hi”. Tua bek tham lo in angimna atupna uh atangtun dongin hanciam tinten uh hi.

Azom ah, migualzote in angimna atupna uh ahun atun ma in geelkholhsa (Future Plan) in nei uh hi. Tua ahih manin gualzawhna i cih in kiginkholhna (Preparation) ahi hi.

Tua ahih manin, migualzo mi picing hih nading sepding bawlding pawl khatte anuai abang hi a, dawl giat (Eight action steps) in en suk dih ni.

a. Thukhat peuh peuhah ahoih lamin mu den in.

b. Gamtat hoih gamtat pha zuihding hamsa sa kei in la, ahun lap in zuih sawm in.

c. A lungdam thei mi na hih theih nading hanciam in.

d. Mun khempeuhah pilna kila thei hi ci in thei inla, pilna sin ding kih ta kei in.

e. Thu khat peuh peuhah ahoih lamin na muhtheih nading hanciam in la, kisin pah in.

f. Thukawi/thu nam tuilo ngaihsutna le a tua mun mahmah pelh sawm in.

g. Sep ding bawl ding a om leh lawp taka sepding kih ta kei in.

h. Nisim nuntakna ah ngaihsutna hoih tawh nasep ding kipan in. Translated via You Can Win, Dr Shiv Khera by Peter Khualtawng