Pasian hongpiak vangliatna

Pasian hongpiak vangliatna

Pasian in mihingte tungah hongpiak akisiatheilo a ma limlemel i sutna pen i kampauna a hihi. Kam i pau theihna ahihi. Kam i pautheihna in Pasian i sutna ahihi. Ganhing te kampau theilo hi. A mau tungah tua vangliatna kipia lo hi. Kampau theihna pen mihingte leh ganghingte i ki lamdanna amasa pen ahihi.

I gensa mahbangin Pasian in nakhempeuh semthei, piangsakthei aa hamsa sa lua, tawllua cih omlo hi. Tua vangliatna pen Pasian in mihingte tungah hongpia aa tua pen ‘kampauna’ a hihi.

Kam i pau ciangin ciangtan omlo, septheihloh omlo in tawllua theilo hi. Kamtawh i ut bangbang i gen aa kamtawh i sepnop bangbang i semthei hi. Koimun koimun hitaleh, banghunbanghun hitaleh kiciangtan loin (Pasian in akiciangtan loin na a septheih mahbang in) i pautheih (na i septheih) na pen Pasian dan ahihi.

Kuamah in Pasian a uktheih loh mahbangin kua mahin i kampau ding hong ciangtansak theilo hi. Kumpi khatbangin kam i pau thei lel hi. ‘Mihaupa ka hihi’ i ut hunhun in i ci ziauziau thei hi. Ka cidam hi. Ka lungdam hi. Ka ma pai giat hi. I ut bangbang ki ciangtan omlo tak in i pulak thei hi. Tua pen mihingte in Pasian limlemel i sutna ahihi. Baihlamtak a Nalianpi Sepna/ Siamsin Library