Malaysia: Bus leh Mawtaw ki phukha in meikuang, mi 3 si

Malaysia: Bus leh Mawtaw ki phukha in meikuang, mi 3 si

Malaysia gamsung North-South Expressway kici lamzikpi tungah Bus leh mawtaw kiphukha in Accident piang a, mi 3 si cihthu The Star pan kiza hi. Tua aki phukha pen Express Bus khat leh Proton Wira Aeroback mawtaw khat hi ahihi.

Selangor Fire & Rescue Deparment te genkhiatna ah hih Accident pen tuni 07 August, Saturday nitaklam 8:15pm hunpawl in apiang ci uhhi.

Hih Bus leh Mawtaw tegel aki phutkhak khitciang in meikuanggawp a, mawtaw sungah atuang mi 2 te meikanglum uh cihi.

Express Bus tungahzong Driver leh Passenger mi 15 atuang hi a, tuate avek un bangmah cilo, aliam abai zong omlo bilbel uhhi.

Meikuanggawp ahih manin meiphelhding in Firefighters zong mi 14 bang hongkuan uh a, meiphelhthei uhhi.

Asi tegel pen ami, amin cihte genkhiatna omnailo a, thunei te’n kamphot uhhi.

Tuni zingsanglam mahinzong Taiping leh Pantai Remis lamzikpi tungah mawtaw accident khatmah piang a, mi 1 si in palik te mi 2 liam cihzong kiza hi. ZD Sawltak #zomidaily