US, Mississippi sungah innkuansung buaina hangin pasal khatin thautawh mi 8 kaplum cih AFP pan kiza hi. Aki kaplum mi 8 lakah Sheriff’s Deputy khatzong kihel hi ci’n US News te’n Sunday ni in genkhia uhhi.
Thau kikapna pen Jackson City panin 60 miles khawng aki gamlatna aom Brookhaven leh Bogue Chitto ah hi a, Saturday zanlamin akikaplum ahihi.
Thautawi mikaplum pen khatbek hi a, aminpen Willie Cory Godbolt kici in, kum 35 aphakhin khat hi ci’n The Clarion – Ledger Newspaper te’n genkhia uhhi.
Athu akician taktak in akitheih nailoh hangin hih Willie Cory Godbolt kicipa pen Bogue Chitto aom innkhatah pai in, atate a ngahtheih nading “custody of children” kikum uh cihi.
Ahi zongin innkuansung kitotna, kinialna apiangawp ciangin avengte’n palik te sam uhhi. Palik te atun ciangin Willie Cory Godbolt in Deputy Officer khat innsung alutleh na kaplumpah mawk hi.
Willie Cory Godbolt pen kimankhin in, ama genkhiatna ah tua Deputy Officer pen kaplup kasawm hilo a, kakitot uh kalungham laitak in honglutkha ahih manin kakaplup hi ci’n gnekhia hi.
Video etnopleh: Mississippi Shooting – Gunman shoots eight people dead including a sheriff’s deputy
https://www.youtube.com/watch?v=CINBzjcFuKo
Atate a ngahkiktheih nadingin innsung ah thukikum in aom uh kici a, ahi zongin kinialna, kitotna apian ciangin innveng te’n palik te asap uh ahihi.
Mississippi Governor Phil Bryant inzong Sunday ni in Statement khat khahkhia a, lipkhap huai leh dipkuat khasiat huai mahmah “Tragedy” hi ci’n genkhia hi.
Related: US gamsung aom LA Airport in Hand Luggage sungah thau aomlam mukhia zolo
Tuaban ah Law Enforcement Officer khat kihel sawnsawn in, khuasung mipi te ahotkhiatna, mipi adingin nasem in anuntakna apiakhia hi ci’n genkhia hi. ZD Sawltak #zomidaily
Comment piaknop aomleh...