Pasian gam ading in: Rev. Khoi Lam Thang & Rev. Chin Lam Thang

Pasian gam ading in: Rev. Khoi Lam Thang & Rev. Chin Lam Thang

Pasian mizat mahmah nih Rev Khoi Lam Thang (General Secretary, Bible Society of Myanmar) leh Rev Chin Lam Thang (Former Regional Secretary, India Evangelical Mission) tawh holim na hunnuam tak zangkha thei.

Rev Khoi Lam Thang in tuciang BSM tung tawnin Kawlgam ah Paunam 200 kiim bang omlak ah 38 bangin Lai Siangtho bu neita aa, tulian Paunam 19 te ading pawlkhat puahphat na leh Lai Siangtho letkhiatna kineih laitak hi. Pasian in siapa cidam khansauna hongpiak sak semsem tahen.

Rev Chin Lam Thangin Pasian thupha tawh India Evangelical Mission tawh kikop in kum 21 sung tawntung Missionary asepna, Pasian in Southeast Asia sungah Missions nasep maban semdia asap nate hong hawmsawn in tha tampi hongpia in lungkim huai mahmah hi. Siapa Pasian in cidamna hongpiak sak henla, sepzo bawlzo dingin ong kalsuan pih sak tahen.

Siapite tawh ka holim nate uh thu manpha leh Pasian gam tangzai nading seppah ding sephuai om aa, sep leh gen thuahkawm nuam i hih manin nidang ciangin alai tawh zong ong gelhkhia in sepna zong ong hawmsawn tozel ding hi ingh.

More: Lungtang tunga kigelh Lai ~ Rev. Khoi Lam Thang

Pasian gam tangzai nadingin i sepzia i sepna mun leh i septheih ki bangkim lo aa, i sepkhoppih zong ki bangkim lo hi. Pasian gam adingin i septheihna i sepzia leh sepna mun tek pan semkhawm in mapang khawm ciatni. Pau Khan Sing