Ride-hailing Service akici Uber Taxi tungah nungkal May 21 ni in nupi naupaai laitak khat damiah kitaih in, tuahangtawh anauzong tolhlawh citciat cih theSun pan kiza hi.
Hih nupinu minpen Wong Mei Yan kici a, kum 26 aphakhin khat ahihi. Amahpen Cosmetic Advisor nasep asemkhat hi a, damiah atuah laitak in agilsung ah naupen kal 6 cingkhin hi. Zanni zingsanglam in si luangkhia ahih manin, Serdang Hospital akilah ciangin anau atolh “Miscarriage” nahimawk hi.
Ama genkhiatna ah Uber Taxi sungah damiah katuahzawh akipan zan 3 sungbang ka ihmuthei vetkei cihi. Lungkhamlua, lungsim patau luaden ci a, adiakdiak in tua damiah ataihte lakah khatpa pen tudong kimanzo nailo ahih manin, tuapa’n banghunciang hong bawlsiakik khadiam cih lunghimawhna zong neiden cihi.
A mawtaw tuanna Uber Taxi ahawlpa pen May 25 ni in kimankhin himahleh aki thuahpihpa, temta ngatin damiah ataihpa pen tudong kimanzo nailo hi.
Hihbang tuahsiatna athuakkhak hangin Uber Company panin bangmah thudonlo cisawnsawn hi. Uber Company panin nihvei bekbek Phone tawh hognsam uh a, tuazong hih buaina apianzawh ni 3 khitciangin hong hopihpan cihi.
Tuahsiatna athuakkhanu tawh kimuhding, vehding leh akisamte buaipihding cihbang peuhmah omlo cihi. Tuaban ah Phone tawh asap masaklai in nadamhiam cihciangbek dongin, anihveina Phone tawh asapkik ciangin “Apa you mau” (What do you want) cihsan cihi. Tuabang kidot pen lauthawng sakna “Threat” namkhat tawh kibang kasa ci’n genkhia hi.
Wong Mei Yan pen damiah atuahna panin asuplawhteng akituat ciangin RM16,000 bang phading kici hi. Tualak ah Handphones 2, Pandora Bracelet khatleh Diamond Ring khat kihel hi.
Zanni in Press Conference akibawlna ah Wong Mei Yan pen lungkiattuak mahmah a, thanemtuak mahmah kici hi. Tua Press Conference ah Gerakan State Liaison Committee Chaiman Datuk David Ang Chin Tat, Gerakan Puchong Public Complaints Bureau Andy Lieng Hwa Ching leh apasal Tiong Ting Siong tezong kihel uhhi.
David Ang in agenkhiatna ah Uber Malaysia company tepen thukhenzum ah tutding kisam hi. Banghanghiam cihleh Uber Taxi tungah atuanna panin nautolh “Miscarriage” cihdong ah buaina piangsak ahih manin, Police Report zong adangkhat ki bawlbehding hi.
Related: Malaysia Uber Taxi tungah numei khat damiah tuak, van manpha teng kisut
Tuaban ah tua Uber Driver papen abeisa inzong Criminal Case nihveibang neikhin cimawk a, tuabang miginalo atheih gige uhpen Uber Driver dingin phalna kipia ahih manin, hihpen mipi te adingin lungmuanhuailo, lauhuai mahmah hi ci’n David Ang in genkhia hi. ZD Sawltak #zomidaily
Comment piaknop aomleh...