Turkish vanleng khat vandawn ah alenlaitak asungah nupi khat nausuak

Turkish Airlines khat vandawn ah alen laitak Passenger khat ki behlap:

Turkish Airlines te vanlengkhat vandawn asan mahmahna Pi 42,000 ah alen laitak in Passenger khat ki behlap cih CNA pan kiza hi. Tua Turkish Airlines pen Boeing 737 vanleng namte hi a, Passenger khat kibehlap cihpen vanleng sungah nausuak om ahih manin, naungek khat aki behlap ahihi.

Tua Turkish Airlines pen Africa gamsung aom Guinea panin Burkina Faso gam zuanin alen laitak hi a, vanleng tungah nasem Stewards te huhna tawh naungek limtak suakthei hi.

Nau asuak nupi minpen Nafi Diaby kicikhat hi a, a naugil pen 28 Weeks (kha 7) khawngbek aphapan cihi. Vanleng alenkhiat khitdeuh asawtlo in agilnasa ahih manin, Stewards te genkhiapah hi.

Vanleng sungah Passengers pawlkhat leh Airlines Crew te panpihna tawh numeino khat cidam in suakkhiathei hi.

Naungek leh anu pen cidam mahmah uh, bangmah nawngkaina omlo ci a, naungek ii aminding inzong Kadiju kiphuakpah cihi.

Tua vanleng pen Burkina Faso gam ii khuapi Capital atunphet in naungek leh anu pen Hospital ah kipuaksuak pahhi.

Friday ni in Turkish Airlines tungah thupiang hi a, Airlines Crew tezong naungek cidam in asuahkhiat theihciangin lungdamin kipak mahmah uh a, naungek tawh Photo kizaihpah ziahziah uh cih kiza hi.

More: Australia gamsung aom Airport te ah Security Check ki limbawl mahmahding

Vanleng kia, vanleng meikang cihkhawng sangin zaknop zawtham hi 🙂 ZD Sawltak #zomidaily