London khuasung buaina apiangsakpa amin ki pulak khiata

London khuasung buaina apiangsakpa amin ki pulak khiata

London khuasung Westminster ah Terror Attack abawlpa pen palik te’n pulak khiata uh a, khamulsau anei te mah nahizel hi. Amin pen Khalid Masood kici a, kum 52 aphakhin khat ahihi.

Khalid Masood zong buaina apianna panin Police te’n kaplum theipah uh a, atunga Photo pen Khalid Masood akizawn laitak ahihi. IS migilo te’n hihpa pen ko galkap khat hi ci’n kipaaktak in pulakkhin uhhi. Wednesday ni buaina apiangkhit ciangin London khuasung ah palik 100 valbang in thukanna neipah ngeingai uh a, khuasungteng leizonpah uh cihi.

Terror Attack bawlna ah akihelding in aki ummawh Suspect zong mi 8 kimankhin ci a, tua mi 8 lakah numeizong 3 tak kihel uhhi. Tua mi 8 tepen London leh Birmingham sungpan in akimankhia uh ahihi.

Kum 39 aphakhin numei khatpen East London panin kiman hi.

Kum 21 aphakhin numei khat leh kum 23 aphakhin pasal khatpen Birmingham panin kiman hi.

Kum 26 aphakhin numei khatleh pasal kum 26, 27, 28 aphakhin mi 3 tepen Birmingham mundang khatah kimankhawm uhhi.

Tuaban ah adang pasal kum 58 aphakhin khatzong Birmingham sungpan mahin kiman cihi.

Met Police te genna ah thukan Detectives te’n Carmarthenshire, Birmingham, Brighton, South-east London leh East London sung aom innpawlkhat ah hihvai tawh kisai in muanmawh te ki zonsanlai cihi.

More: London khuasung ah Terror Attack hangin mi 5 si, 40 liam

Aliam mi 40 bang zato ah liamma te kibawl in omlai uh ci a, tualak ah mi 5 pen gimmahmah uhhi ci’n London Police te’n genkhia uhhi. ZD Sawltak #zomidaily