USA, Georgia State sungah Mission Trip kuanding biakinn mawtaw khat kibung, mi 1 si, 38 liam

USA, Georgia State sungah Mission Trip kuanding biakinn mawtaw khat kibung, mi 1 si, 38 liam

USA, Georgia State sungah Missionary te tuanna biakinn mawtaw “Church Bus” khat kibungin mi 1 si in adang tampi liam cih Fox News pan kiza hi. Hih Bus tungah Alabama Church panin Missionary sangnaupang honkhat atuang uh hi a, Atlanta khuapualam ah Thursday ni in akibung ahihi.

Hartsfield – Jackson Atlanta International Airport tawh akinai Fulton County sungaom Camp Creek Parkway tungah Thursday nitaklam 3:30pm hunin akibung cihi. Tua sangnaupang tepen Africa gam zuandingin Mission Trip apaisawm uh ahihi.

Fire Official te’n Fox 5 te tungah agenkhiatna ah mi 1 sipah in, adang khatzong gimmahmah cihi. Aliam vekpi pen mi 38 bang pha uh cihi. Aliam te lakah naupang zong pawlkhat kihel uhhi.

Fulton County Fire Chief Larry Few ii genkhiatna ah Passenger khat Bus tungpan in honkhiattheih nadingin tankhia uh ci a, ahi zongin bangciciang tung cihpen genkhiatbeh neineilo uhhi.

Atuahsia aliam te puaknadingin vanleng “Air Ambulance” zong 3 tak kizang in, Grady EMS Ambulance mawtaw zong honkhat kizang cih Fox 5 Atlanta te’n genkhia uhhi.

Grady Memorial Hospital te genkhiatna ah amaukiang aliam mi 9 kipuak in, tualak ah mi 4 tepen gimmahmah, huaisia mahmah uh cihi.

Tua akibung Church Bus pen aki bupsaap “Charter Bus” hi a, Television panin aki suahsakna ah mawtaw pen ki lumlet velval in lampinawl kidenpheina hi.

Video: Atlanta Church Bus Crash

Alabama, Huntsville aom “Mount Zion Baptist Church” te’n Facebook tungah agelhkhiatna uh amau kiangpan in apaikhia Student Ministry Mission te apua Bus khat vanlengtual azuatlaitak in lamkal ah tuahsia hi ci’n gelhkhia uhhi.

“PRAY! One of the buses with the student ministry mission had an accident on the way to the Atlanta airport. Several serious injuries. Please pray for those injured and parents as they travel to Atlanta.”

More: Phone Charging sa in luppihkha ahih manin sihlawh dektak ~ ZD

Church’s Minister of Education asem ahi Terry Slay in agenkhiatna ah hih sangnaupang tepen 11th leh 12th Grade vive hi uh a, Bus Accident apianlaitak in Bus sungah ulian pawlkhatzong kihel uh cihi.

Hih Church Bus kibutna ahangpen bangmah theihcian omnailo cih kiza hi. ZD Sawltak #zomidaily