Nupi khat aki buansawm laitak HIV kanei ci’n akhemleh buanthuak nawnlo

Nupi khat aki buansawm laitak HIV kanei ci’n akhemleh buanthuak nawnlo

USA, Pennsylvania State sungah nupi kum 88 aphakhin khat kibuansawm laitak HIV kanei ci’n akhemleh, buan thuaknawnlo in suaktalian cih 6ABC News pan kiza hi. Chester County, Parkesburg Apartment ah nungdiak in thupiang ahihi. Kum 88 aphakhin Helen Reynolds kici minnei piteek khat innah aomlaitak in pasal khat a inn maiah vapai hi.

Tuapa pen Apartment ah nasem kineih ahih manin, piteek inzong kongkhak honkha a, asung aluttheihkhit phetin Duct Tape tetawh hencip, tuamcip pahhi.

Tuaciang in piteeknu inzong abuansawm (Rape) lam atheih ciangin tuapa kiangah “HIV natna nei kahih manin, ka pasal zong tuahangin asi cihpen atheiding in hong lamen ing” acihleh tuapa zong HIV neikhat buannuam samlo hiding hiven, Bedroom panin pusuak khiapahlia ci’n piteeknu in genkhia hi.

HIV pen anei taktak hilo a, akizomgawp hangin atha in zoloding cih thei ahih manin akamtawh “HIV kanei” acihziau pen hiamhoih mahmahkhat hongsuak in tua kammal in buan athuak dektakna panin hunkhiaziau hi.

Hih Chester County vengsung tengah innkiluh (Invasions) tammahmah ci’n Police te’n genkhia uhhi.

More: Kawlgam ah 2017 January khakhatsung bekbek in Rape Case 100 val om

Brandywine Township sung ahzong kum 72 aphakhin nupi khat innsung ah kibawlsia in, aki hencip khitciangin Bizu (Closet) sungah kikoih cimawk hi. Tuapen ni 4 khitciangin ki mukhiapan sawnsawn hi. Hamsatna, tuahsiatna khatpeuh ihneih ciangin pataugawp pahlo in khuakzatding thupi mahmah cih hong phawksak hi. ZD Sawltak #zomidaily