Col. Pu Khen Za Moong leh ala phuah ” Pianna Zogam” Zogam ngaihna la

Col. Pu Khen Za Moong leh ala phuah ” Pianna Zogam” Zogam ngaihna la

Kaih Mang leh it mipih teng

Ei Zomi (adiak in Tedim mite) hong lamsang ding leh vang hong pia ngei ih Pu Col. Khen Za Moong leh ei Zomi sinsen Full Colonel teng leh Lt. Colonel teng Majors teng atamzaw Mikang te napiak zaletna hi’n Kawlte U Ne Win amai et zawh nahang uh’aa, hih zah ciang’ natung uh ahihlona thu leh, tu lai khangno lai-at sun in, ih Zogam leh Ih Zogam khuapi ih thupi sim ciat ding aa kilawm Tedim khuapi ih pu ih pa te tampitak misuak nading aa, Pasian hong piak Tedim khua aa ding’ bangma khat zong sem khalo ci’a thuman thutak theilopi atheilo takpi mah uh ahi diam? A hih takpi aa leh ci’a keima thei sak Ih Zogam khuapi Tedim khua aa ding tektek asep khiat tuni dong aa, ih nuntakpi uh asepna sa ka theih teng thuman thutak deihna tawh, hong sung khia kahi zaw cih athak in hong taangko kik phapha ingh.

Col. Pu Khen Za Moong thusim kha peuh Chin deih kici pahpah zawzen bel hisazo pah keng’ hong naupang vai pian thei kha in um ingh. A ma nuntak hun lai Chin State ma Chin Special Division hun Ukpi asep lai nangawn in Chin ih cih te aa ding asem kei zawsop aa, a Zomi (Tedim mi) leh Tedim khuapi aa ding anasepna te atung ah atheilo teng aa ding, thuman thutak kong-at khin ve leh’ Kaih Mang in umlo namaw! Hon mangpi khat omlai ve e, at aa at tavet ama Biography atom kim khat leh a Zomi (Tedim mi)pih teng aa ding asep abawlna te asih ma in, hong at lai mai ning ei mate! Ken bel ama bek hi kei, adang tampi tulai ei pawl Zomi ka it hi aci te sang ama uh in, pahtawi tak ding zah khat in, ih mipihte tuni ciang dong vang hong pia uh ahih manin, Siama Cing San lasak ka deih mahmah khat ahi ” Ih Zogam Sian in hong tawisang aa, Zomi mipil, misiamte hong pia aa, ahoihna damtui bang hong luang aa, Topa hoihna Zomi pah bang tawi ta” hila kasak simsial in, kamit kha ah, Col. Pu Khen Za Moong bang kisung kha pahpha ngei zawzen hi.

A ma thu ahoihlona bekbek hong ki-at ciang’ Chin tawh bangma mahmah kisai salo in, nidang lai Col. Pu in ihminam te aa ding asep khiat teng athei khalo takpi mah dan uh hizaw in cia cidep aa, ama lawyer la hilo, asanggam khat zong hibeklo khatvei ih thu theihlo nahang vua mipil pipi thuman thutak pomlo, theihlo hong kiciklo nading uh ngaihsutna tawh hibang ciang aa lai hong-at khia hizaw ka hi hi. Zomi te khanto nading ama kipiak khiatna asih nung ciang aa ding amipih te zat ding ama khat bek in, MKK Foundation ah Kyat tengh 400 piakhia ngam lai sawnsawn hi. Thu khuallo ih sak leh ama angsungbek ahuam ih sak ih Pu in nidang lai Zogam ngaihna la gamdang sang aut zawhna ala mal sungah kimu theih na ama naphuah ngiat own tune ahih /hihlo bel theih sak khangh hi la Sia Khat Thang in group net te sungah hong koih ciang, ka ngaih leh neu lai ih lamh kiatna ih Zogam bang hong phawksak zo takpi ana sasa aa, ana pahtak bek semsem lai hing ei! Hih la ih ngaih khit uh ciang’ ih ngaihsut khial nate uh aphawk theih kik ciat dingin, Topa mahin mimal thupha hong pia kik ta hen oh! Amen

Kham Khan Suan (Artist Kyaw Kyaw Oo)

A nuai aa link pan Col. Pu laphuah ” Pianna Zogam lunggulhna la” na ngaihsak kik mai vua leh

Ken bel ama phuah masa Own Tune pen Falam lam te’n alak kik hiam’ tua bel ciantak in theihsak keng, ala kammal zong hoih sa ingh.