Malaysia ansai khatah numeino kum 5 aphapan khat Tom Yam mehtuisa tawh kibuakkha

Malaysia ansai khatah numeino kum 5 aphapan khat Tom Yam mehtuisa tawh kibuakkha

Malaysia, Kuantan sungah innkuankhat nitak an neding in ansai khatah akithawi laitak in kum 5 aphapan atanu mehtuisa kibuakkha cih NST pan kiza hi. Zanni Saturday nitaklam 9:30pm hunpawl in thupiang ahihi.

Hihte innkuan pen Restaurant khatah nitak an neding in Table Booking abawlsa uh hi a, atuding in aki thawilian uh ahihi. Tualaitak in Waiter khatin Tom Yam Soup mehtui asa mahmah tawiphei in, apailaitak akhe taalcitciat hi.

Tuaciangin tuksuk in amehtui Tom Yam Soup in naupang numeino kum 5 bek aphapan ii anungzang sukteng buakkha hi.

Tualaitak apa pen Counter ah aomlaitak hi a, atanu akahgawp azakciangin delhphei a, anungzang mehtui kibuakkha amuh ciangin patau mahmah hi.

Tuaciang in amanlang in khutsingna ah paipih a, anungzang apuan abuanteng silsak in, anungzang a et ciangin mehtuisa tawh avun kangdeugawp hi. Tuaciang in amanlang in ageinai aom Clinic khatah zatui kibawlding in taipihpah uhhi.

Atanu mehtui in abuahkhak aliamma teng anu in Photo zaihin, Facebook tungah akhahkhiat ciangin Social Media ah ki thehzakpah zihziah hi.

Hihte innkuanpen anneding in atungcil uh hi a, atuding in aki thawithawi laitak in ageinai Table khatah anekding Tom Yum Soup savitvit kuangtawh Waiter khatin atawilaitak atukpih citciat ahihi.

Mehtuisa in abuahkhak naupangnonu pen bangmah huaisiagawp samlo in, Stable Condition hikikta hi ci’n genkhia uhhi. Hihvai pen Social Media ah atuamtuam in kigen thaanggawp ahih manin Restaurant Owner pazong asaizuak asukkhakding lunghimawh mahmah cih kiza hi.

Video: Waiter slips and spills hot broth on boy

Nungdiak mahmah inzong China Hotpot Restaurant khatah naupang pasalno khat amaitang panin mehtuisa in abuahkhak laitak Video Clip hongki khahkhia a, cikziak huai mahmah hi. Tuazong Waiter sempen akhe taal in atuk ciangin naupangno amailian panin mehtuisa tawh abuaksukkha ahihi.

Related: Hotpot Restaurant sungah naupangno khat mehtuisa ki pumbuahkha

2014 kum inzong China gamsung Restaurant khatmah ah numei khatleh pasalkhat anne dingin atut hithiat laitak meikuangzai in, anumeinu meikanggawp ngei hi. Atung a Video atawpna lamah ki entheiding hi. Ansai adiakdiak in Hotpot, Steam Boat cihte ah Gas akizang tammahmah a, khatveivei alauhuai mahmahzong himawk hi. Sawltak #zomidaily