“Nu” ci in nasam ding hi ~ Khat Thang

“Nu” ci in nasam ding hi ~ Khat Thang

Pasian kiangah naungek hong kiko hi, “Topa aw zingciangin leitungah kei hong kipuak ding hi ta-a, kei ngek lai, hong huh ding lah om lo ding ahih teh bangci bangin nungta zo peuhmah ding ka hi hiam?”

Pasian in dawngkik, “Vantungmi khat in, nang hong ciing le hong kem dingin hong ngak hi”

Naungekno in dot beh, “Hi ding maw? Kei haih Vantung ah bangmah dang sep kul lo, lasa-sa, maitai denin nopsa hi lua hi veng!”

Pasian in, “Na Vantungmi in, nang ading lasa kawmin hong nuihmai den ding hi. Tua Vantung mi na it mahmah ding-a, amah tawh nuam na sa ding hi.”

Naungek in dongkik zel, “Tualeh, mihingte in hong hopih le-uh, ken bang ci dawn theih mawk ding ka hia, apau uh lah thei lo ding ing-a?”

Pasian in, Na Vantungmi in a khum penpen cikmahin na zak ngei nai loh kammalte tawh hong hopih ding-a, lungduai takin hong kep banah na kampau theih dingin hong hilh ding hi.”

Naungek in zong, “Pasian aw, tualeh, nang hong hopih nuam leng bang ci hong hopih thei ding ka?”

Pasian, “Na Vantungmi in na khut nih hong cip sak ding-a, thungenin nong hopih zia ding hong hilh ding hi.” Naungek, “Kua’n kei hong kemcing mawk ding ahia?”

Pasian, “Nuntak gentheih haksatna tampi om phial taleh, na Vantungmi in hong kembitin, hong huai den ding hi.”

Naungek in anunung dotna, Tualeh Pasian aw, ken nang hong mukha nawn kei leng, lunglengin dah den ding hi lo ka hi hiam?”

Pasian in, “Nang hong kem Vantungmi in, Kei’ thu hong genpih tawntung dinga, Kei’ kiangah nong caihkik theihna ding Lampi zong hong hilh ding hi, tua banah Ken zong hong nusia lo-in kong ompih den ding hi” ci-in a dawnkik khit ciangin,

Vantung ah awging dai dide napi, Leitungah kiciak zilzul, kigamlum ngeingai kawmkal ah naungek in nawhsa takin, Topa Pasian aw kei paikhia ding hi ta ing, tua ka Vantungmi ding a min hong gen in” ci-in a dot leh, “Nu” “Nu aw ci-in na sam ding hi.”

Ih Nute khat ciat pen Pasian in, ei a tate hong kem dinga, hong na koih kholh sak Vantungmite ahi uh hi. Nute tungah tate adingin thupha khempeuh om hi. Nute itin, zahtakin a thumang leng tate cikmahin dongtuak ngei lo bek lo-in, cidamin khansauin leitungah nuamsa banah, Vantung gam nuam zong ih tunkik na dingin lampi ih mu ding hi.

Na Nu khasia sak kei in. Lungdam sak in. Na itna lak in. Thupha na ngah ding hi. “Happy Mothers’ Day” Khat Thang