Pate’ tungah laikhak
I zi leh i tate in midangte’ lakah hong phatphat nuam in,i hoihna thu gennuam tawntung uh hi.Tua bang hi napi-in,zi leh tate in,i hoihna thu a gengen ding uh a om loh khak ding pen dahhuai mahmah leh khasiathuai mahmah hi.
Pate’ siam manin,innkuan nopsak nading kipan a,pate’ ginatloh manin innkuan sung buaina kipan thei hi.Pate pen innkuan sung lutang ahih mah bangin,Pate’ makaih siamna tawh 80%(za-ah sawmgiat)bang innkuan sung nopna piang zo hi.
Tua ahih manin,Pa khat i hihna tawh i dinmun limtakin ngaihsun pha in,zi leh tate’ adingin hoih takin panmun lakik a,Pasian’ deihna tawh kituak in,i innkuan sung makaih in,i khansuah ding kisam mahmah hi.
Nek leh dawn,zat ding sum leh paai cihte ah, zi leh tate i khansuah zo phial zongin,kha thu(Pasian thu)lamah zi leh tate pantah zo loin,i khan’suah zo kei leh, “PA HOIH/PA CINGTAAK,” khat kisuak zo ngei lo ding a,i innkuan sungah buaina hong omom lel ding hi.
Zi leh tate adingin zu nene Pa leh zu nelo Pa cihte pen muhna kinak lamdan’ mahmah a,Zu ane lo Pa,a anei khate leh zu nene Pa anei khate’ lungdamna leh lungnopna nakpi takin kilamdang hi.Zi leh tate in,ei(Pate)sangin amuan zawk uh om tuan lo a,a lametna uh leh akisak davidtuangtheihpih pen uh Pate ihih manin,a muanhuai leh a belhtaak Pa,i hih zawh nading i hanciam tawntung ding kisam hi.
Zi leh tate lungkim/lungdam nading leh Pasian mahmah in,Innkuan lutang in hong koih ahihnate phawkin,lim takin thu ngaihsun a,Pasian zahtak in,zi leh tate hoihna lamah a makaih zo, “Pa hoih” khat i suah zawh nadingin,han lung ciamin,maciang suan leeng,van gam malep,innkuan sung nuam pen(Jesu nei kimin,Pasian zahtak ciat leeng,vangam malep innkuan sung nuam pen)!
Pate khempeuh tungah Topa’n cidamna,khansauna leh zi leh tate hoihna lamah makaih zawhna thupha hong pia ta hen. Amen!
Itna leh deihsakna lianpi tawh,
Khazih sungah,
David Tuang
Comment piaknop aomleh...