Tulaai Leitung Thuthang Tuamtuam Updates November 10, 2014
US President Obama Asia Khawk Sum zonna lam makaai te khawmpi APEC kahding in Sengam Beijing khuapi November 10 ni zingtun vilvel in thugenna vanei hi. Athugen na ah Asia gamte leh USA te kinaakpawl khop ding cih US ten geelna nei cih apulaak kawm in., Sen gam tawh November 12 nipan kipan gam khat kihawhna visa tampiak ding, Sangnaupang te kum 5 ciang Sumbawl te kum 10 ciang ciin taangkokhia hi. President Obama tuni tak Asia gampawl makaaitengtawh ann nekhawm ding a Senngeina lam ahi dungdunh chal te enkhawm ngei ngai ding uhhi. Nov 12 nipan dingkhia ding a Kawlgam lam ah Ngapik gimdiik ding in paiding hi. Kawlgam pan sepding azawhciang Australia gam ah G-20 Khawmpi kahding hi. Thulaakna-BThulaakna-BBC.Com
Kawlgam sung ah Rohingya gaalkaap RSO pan hiding a upmawh Terrorist mi ngongtat mi 4 kawlgam sung ongluut ahihman amukha ten inhzasak un cin Kawlgam palik ten November 10 ni in taangkokhia uhhi. Hih migilo 4 teng in Nov 12-13 kibawlding Asean Upa khawmpi bawlsia nuam hiding cin ummawh uhhi. Thuthak laaksawnna-burmese.voanews.com
Nigeria gam saklam Yobe state Potiskum khuapi sung a om Middle School khat november 10 ni Sangnaupang te kigual diudeu a aom laitak Migilo pawlkhat in bomb puakkham sak uha, sangnau pang 46 si in 78 vaal liam uhhi. Kua migilo pawl in bomb puaksak cih kithei lo napin Boko Haram migilo te hiding kilam en tek hi. Thuthak laaksawnna-BBC.Com
Israel gam Tel Aviv khuapi ah Palestine mi khat in Israel Gaalkaap khat November 10,2014 ni in akigin loh laitak Temta tawh dawt ek zatopan si hi. Ahun kibang phial mah in Westbank Israel te thuneihna sung ah Israel mi numeino kum 14 dingkhat Palestine gammi khat in dawlum leuleu hi. Midawt masa pa kiman a anihna pa security te kaplum uhhi. Gaal kido tawh lah zolo ahihman un atuamtuam a do kipan uh hiding in Israel ten lam en uha, Koipan cih akan tel laitak uhhi. Tellian le uhbel lau pih mahmah mawk ing ei. Thuthak laaksawnna-BBC. Com
UK ten Iraq gam sung a Sathau huupna alianpeen khat ahi Baiji Sathau phualpi kiim a kibusa IS migilo te phualpi teng athak liklek mihing tuan akuulsese lo Drone kici Tuithe -Sikha gaalvanleeng te tawh Nov7-9nisung zial uha, IS te vanzat apuakkham thei gaalvan tuamtuam leh inn le lo mawtaw te mazangtak in anuai khitciang mahialbawl thei cin Defense Ministry ten Nov 10 ni genkhia uhhi. Thuthaklaaksawnna-BBC. Com
Lungdam
Khialna aom leh ngaihdam bawm ah maw
Thang Khawm Pauzomi
Topa’ Thupha maw leh
Comment piaknop aomleh...