Niangtui sunsiah ~ Deih Tung

Niangtui sunsiah ~ Deih Tung

Khat vei ka lawm pa khat tawh Niangtui sai khat ah tu in, hai khat tuak ka vai khak uh hi. Ka dawndawn lai tak un Niang tui sai sung ah Niik leh puan smart tak aa a silh sitset khang no nih honglut uh aa, niang tui Hai 5 vai khak in sum pia uh hi. Hai nih bek dawn uh aa, a sai ngak te kiang ah Hai thum pen niangtui sunsiah ding in na koih sak in ci uh hi.

Lam dang ka sa mahmah aa, ka lawm pa dong ning ka cih lai tak niangtui sai sung ah mi 5 hong lut leuleu hi. Niang tui hai 7 vai khak uh aa, hai 2 pen niangtui sunsiah ding in na koih sak in ci in vai khak leuleu uh hi.

Bang cia hih te in niangtui sunsiah (suspended coffee or ဆိုင္းင့ံေကာ္ဖီ) nei uh a hitam? a gaih vaal uh order in bang hang ciah pih lo aa Sai ah nu sia a hi uhtam cih ka lawm pa ka dot leh ka lawm pa in ngak hiit hiat le cin den teh na thei ding hong ci hi.

Tua kawmkawm in ka khua dakdak leh sai mai pan in, a gil kialtuak mahmah, bang mah a neih tuak hetlo papi a teek khiim khiam khat maizum tuak zaw zen in hong lut suk khekhe aa, Sai nasem te kiang ah Suspended Coffee, Niangtui ki sunsiah or ဆိုင္းငံ့ေကာ္ဖီ a om hiam cih dong khian khian in a sai ngak ten a piak ka muh ciang ka khi tui hong luang hi.

Hih bang mi hing leh mi hing ki khualna ki itna pen Italy gam Napales Khua pi pan hong ki pan khia hi aa, Khua pi tampi ah a ki zelta a hi hi. Mun khat khat ah coffee bek hi lo in, Sandwich, moh tuamtuam leh neek theih tuam tuam te, suspended ding in om ta hi.

Leitungah mi hau mipil, mi nuamsa, tampi a om mah bang in, an neek khat, tuisiang dawn khat, Moh thoh khat,,…. niangtui hai khat zong a lei zo lo, a ne zo lo, lei na ding a nei ngiat lo mizawng tampi tak om veve hi. Ki itna ki khual na pen Pasian deih lungsim, Pasian zia a hi hi. A ki lawm ding in a kilet khia a hihi. Ref: Snopes Deih Tung (Tomno khat sung Malaysia)