Yangon US Embassy te mawtaw pan Bomb Alarm ging ahih manin ki patau

Yangon US Embassy te mawtaw pan Bomb Alarm ging ahih manin ki patau

Myanmar, Yangon aom US Embassy sungah alutding mawtaw khat Checking akibawl laitak in Bomb Alarm ging ahih manin thuneite’n sitcianna neipah uh cih 7Day News pan kiza hi.

Zanni Thursday (Mar 23) nitaklam in thupiang ahihi. Nitaklam 8pm hunpawl in Yangon Airport panin aciahkhia American Embassy te mawtaw khat zumhuangsung alutding ciangin a ngeina mahbangin Checking kibawl masa cihi.

Tuabang in Checking akibawl laitak in Bomb Alarm ging ahih manin amanlang in Yangon Police teleh Bomb siansuahthei Bomb Squad te ki zasakpah cihi.

Yagon Police thunei khat ii genkhiatna ah tua mawtaw pen Embassy te neihsa mawtaw khatmah hi a, apualam midang neihsa mawtaw hilo cihi. Tua Embassy mawtaw pen Bomb zonsiam ui te kizongsak masa cihi.

Mawtaw anunglam ah thauvui agimnam om ahih manin Bomb Alarm aging hi ci’n palik thunei khatin genkhia uhhi. Ahi zongin tua thauvui pen bangcibang in tua Embassy mawtaw tungah kitat theihiam cihpen kitheilo hi.

Bomb Alarm agin ciangin Embassy nasem tezong patauman uhhi. Bomb kibawlna ah akihel thauvui namkhat mawtaw tungah kitatkha in tua agimna pen Security System hoihlua ahih manin, Bomb Alarm agingsakzo hi. Bangmah buaina apiangbel hikei ci’n Yangon Police te’n genkhia uhhi.

More: Mandalay ah Taxi Driver khat thautawh kikaplum in akikapzia palik te’n kansan

Mandalay ahzong Motorbike Taxi Driver khat thautawh kikaplum in, akap kitheilo ahih manin palik te’n zonsan uh cihzong kiza hi. ZD Sawltak #zomidaily