Tuni zingsang 8am hunpawl in Belgium gam aom Brussels Airport ah apuaktam nihvei kiza a, mipi te ki patau mahmah hi ci’n Belgian Media te’n genkhia uhhi.
Public Broadcaster RTBF te’n a website ah apulakna ah Terminal Building lampan in meikhu phulkhia ziahziah a, kongkhak ah akithuah padenpauh man tezong kitamkham cihi.
Tua Broadcaster te genkhiatna ah hih apuakkham pen zingsang Local Time 8am pawl hi a, vanleng khempeuh alut apusuak ding ki khawlsakcippah bekthamlo, vaikhempeuh Emergency Mode in kumpi thunei te’n koihpahlian uh cihi.
Hih apuakkham pen koipan bangci bangin hongkipan cihte akician in kuamah in genkhiathei nailo uh a, ahi zongin RTBF te ii genkhiatna ah tuamun ah mittawh amu pawlkhat in aliam mi tammahmah ci uh cihciang kizaphot hi.
Hih Terminal Building sunglampan apuakkham hangin mite apualam ah teikek ziahziah uhhi.
BREAKING: Two Explosions at Brussels Airport 03/22/2016
https://www.youtube.com/watch?v=GaP9UxyzRq0
Hih apuakkham pen Brussels ah Friday ni in Saleh Abdeslam kici Paris, France gamsung buaina ah amakai in aki ummawh khat akimat khitdeuh in hibang apiang ahih manin, kizopna omding inzong ki ummawh hi. France, Paris khuapi ah buaina apianlai in mi 130 bangin thahlup thuakmikmek mawk uh a, tuapen tu’n kha 4 sung acing hong hiziauta hi. ZD Sawltak #zomidaily
Update: 6pm 22 March
A puakkham pen Airport sungbek ah hilo a, City Metro Station ahzong puakkham hi. Hih buaina hangin mi 28 in sihlawh khin cih Fox News tungtawn in ki zakbeh hi. Adang zong mi 35 bang liamphengphang cih kiza hi.
Update: 7:00am 23 March
Belgium gamsung Brussels Airport ah Bomb kitapna leh Subway Station ah Bomb kitamte pen IS te’n ko ii gamtatna hi ci’n Social Media tungtawn in tangkokhia uhhi. Hih buaina hangin asi pen mi 31 leh aliam mi 180 bang phatota cih Fox News pan kizakbeh hi.
Comment piaknop aomleh...