Malaysia palik te’n Social Media tungtawn in a ngongtatding galkap akaikhawm mi 249 mankhia

Malaysia palik te’n Social Media tungtawn in a ngongtatding galkap akaikhawm mi 249 mankhia

Malaysia gamsung ah Social Media tungtawn in a ngongtatding galkap akaikhawmkhawm mi 249 kiman cih CNA pan kiza hi. Tua akiman tepen Malaysia gammi bekthamlo, gamdangmi Foreigners honkhatzong kihel uhhi.

Hihvai tawh kisai in Deputy Home Minister Masir Kujat in Tuesday (March 13) ni in agenkhiatna ah akiman te lakah mi 240 te’n Facebook zangin galkap kaikhawm uhhi. Twitter tungtawn in Recruit abawlpen mi 8 pha a, Instagram tungtawn in akaikhawm pen mikhat, avekin akigawm in mi 249 kimanhi ci’n genkhia hi.

Tuabangin gitloh ngongtatsawmna tawh mipi akaikhawm tepen palik thukan “Police Intelligence” te leh “Counter Messaging Centre” te kipawlkhawm in Social Media ki khahkhia te limtak encik in amatkhiat uh ahihi.

Hihbangin Social Media tungtawn in galkap kaihkhopna pen IS te hongthahat, hong mithan ciangin kilimzat mahmah hi. Tuate a encikdingin Malaysia kumpi thunei te’n 2016 kum akipan Counter Messaging Centre phuankhia in encikden uhhi.

Tua akimankhin te bekthamlo, Malaysia kumpi in Facebook Account akigawm in 3871 te etcikna nei uhhi. Migilo, mi ngongtat Extremist Ideology te akhahkhia, athehzak Facebook Account 800 tezong khakcipsak, Block sakkhin uhhi ci’n Deputy Home Minister in genkhia hi.

Twitter Account zong akigawm in 76 etcikna kinei a, Twitter Account aki khakcipsak zong 9 bang phakhinta hi.

More: Guaktangphial in Waitress asemkhat Facebook tungah ki mawhsak mahmah

Instagram Account zong akigawm in 72 te etcikna kinei in, akhakhiat thute uh limtak ki etsakden hi.

Facebook tungkhawng, Social Media Platform khatpeuh tungkhawng panin galkap kaihkhopding, kumpi langdoding, kipawlna khatpeuh lehdoding, suksiakding cihkhawng ihmawk gengenleh….. Sawltak #zomidaily