Myanmar, Lashio ah Bomb puakkham, Bank nasem mi 2 si, tampi liam

Myanmar, Lashio ah Bomb puakkham, Bank nasem mi 2 si, tampi liam

Myanmar, Lashio khuasung aom Ayeyarwady Bank leh Yoma Bank kikal ah apuakkham khat om cih Popular Journal pan kiza hi. Hih apuakkham pen tuni nitaklam 4:40pm hunpawl ahihi ci’n Lashio khuasung aom Police te’nzong genkhia uh cihi.

Hih Bomb puakkhapna hangin Bank sungah nasem mi 2 in sihlawh a, adangzong mi tampiliam kici hi.

Lashio khuasungmi khatin agenna ah asi pen tulaitak mi 2 pha cih kiza hi. Asi tepen numeikhat leh pasal khat hi a, Bank sungah nasem te kici hi. Hih Bomb pen banghang in puakkham, koipan cihpen kitheician nailo in, kumpi thunei te’n akanciansan laitak hi ci’n genkhia hi.

Hih Bomb apuakkhapna munah apuakkham nailo adang Bomb khatzong kimukhia cih kiza hi. Tuaban ah Ayeyarwady Bank leh Yoma Bank kikal ah apuakkham ahih hangin, Yoma Bank lamsang ah vankisia tamzaw cihi. Asi tezong Yoma Bank sungah nasemte kici hi.

Video: anuai ah Video zong ki entheiding hi.

Hih Lashio khuasung Bomb puakkhamvai tawh kisai in Yoma Bank te’nzong Social Media tungtawn in Statement khat dendeuh mahmah in khahkhia uhhi.

Yoma Bank Facebook Page tungtawn in akhakhiatna ah tuni nitaklam 4pm hunpawl in Yoma Bank Lashio (1) Branch ah Bomb puakkham in, tua Bank sungah nasem mi 2 in hong nusia ahih manin kadah mahmah uhhi.

More: Mandalay leh Lashio kikal ah mawtaw nai 12 sung awkcip

Hih hongnusia Bank nasem mi 2 te dahpihna in February 22 ni akipan Yoma Bank pen tawmvei kikhakphot dinghi. Yoma Bank aki honkikding pen hongki zasakkik dinghi. Khuadangdang aom Yoma Bank tepen angei mahbangin kihongding hi ci’n gelhkhia uhhi. Thuthang pen atheician te’n ahunhun in Comment pan ki Update totoni. Sawltak #zomidaily

Update: Asi mi 2 tepen numei kici a, Ma Maw Maw leh Ma Sandar Htun kici hi. Tuaban ah aliampen mi 11 bang phahi ci’n AFP te’n pulakkhia uhhi.