Malaysia, Pandan Indah ah Myanmar numeikhat ki thatlum

Malaysia, Pandan Indah ah Myanmar numeikhat ki thatlum

Malaysia, Pandan Indah vengsung aom innsung khatah Myanmar gammi numeikhat asisa in kimu cih Bernama pan kiza hi. Tua numeinu pen asi mawkmawk hilo in, akithat “Murdered” kici sawnsawn hi.

Hihvai tawh kisai in palik thunei ahi Ampang Jaya OCPD Asst Comm Hamzah Alias in agenkhiatna ah tua numei asipen alawmte khatin Monday nitaklam 2:52pm hunpawl in amuhkhiat cihi. Tua alawm amukhia penzong Myanmar gammi khatmah kici hi.

Asi Myanmar numeinu pen kum 40 gualpawl hi a, innsung ah sisan dimzihziah lakah aluanghawm kimu a, amaitang leh akhut khawngzong liamma akikuiliam pawlkhat om cihi.

Tua asi numeinu pen alawmte’n Phone tawh asapsap hangin a phone lenvetlo hi. Tuaciangin a innah delhphei in, inn kongkhak zong kihong ahih manin, asungah alut ciangin asisa in akimu cihi. Tua asinu in tapa khatzong nei a, naupanglai mahmahkhat hi in, innsung ah kapvangvang cihi.

theSun te pulakna ah tua asinu ii atapa pen kum 4 bekbek aphapan khat hi a, anu akithahlup ciangin amahguak inndei sungah kapvangvang cimawk hi.

Tua numeinu pen gamdangmi te cidamna kisitna “Health Screenings” bawlna Company khatah Assistant nasep asemkhat ahihi. Hihnu sihna vaitawh Myanmar gammi kum 26 aphakhin pasal khatzong kimankhin hi ci’n palik thunei te’n genkhia hi.

Tua muanmawh tawh akiman Myanmar gammipa pen Tuesday (March 20) nidong kikemphotding a, thusitna abanban in kineiding cih kiza hi.

More: Myanmar, Tanintharyi khuapi Myeik leh Bangkok kikal Direct vanleng kilengsak tading

Myanmar gammi numei cihciang bektawh News ah ki suaksak in, amin apuam bangmah ki gelhbehlo hi. Pandan Indah vengpan hihthu atheician te’n Comment ah hong Update unmaw….. Sawltak #zomidaily