Numeite’ zaklohkal… ~ Lengtong Pauno

Numeite’ zaklohkal… ~ Lengtong Pauno

Solomon in bel: “Pasal tulkhat ah, apil khatbang omthei a, numei akicilimlim, apil khatzong a omlohlam ka phawkkha hi” ( Ecc 7:28) civen ah,

Namdangte zong theikeng e, Zomi sung ah bel, tuciangciang, innkuan nupa sung en lehang, atamzaw in, pasalte sang’… numeite… mah, thupi thukhual in ettehtaak zaw sa ing.

Innkuan nupa asuakthakte enbek lehang zong, numeite mahin, mailam nuntak nading, tate’ mailamding cihkhawng khual mahmah pah uhi.

Pasalte pen, tuahpha kisa pongmawk sex uha, gualnuam nuam’denpong uhi. Kongpua pial le- uh ki tangvalsaknuam zawmahlai uhi.

Azineihma uhsang’ kamsiam zawse uha, pauhangse uhin, atangvallai a ahopih ngamloh nungak tekhawng, muutmanggawp ngamse tazen uhi.

Ta 2/3 neihkhit laitak khawngin, kaamsiat natawh sihna khat tuak le uh zong, atate tawh numei te’n innsuangzo mahmah lel uhi.

Aki pasalsaka a awngbaba pasalte in, tate tawh innsuangzo vetlo uhi. Kei lobuang kacihna 🙂 Ka lungdam, Munkhai’pa

HIHNA MIZIA PULAKNA NAHI GIGE

* Lai leh mann post dante panin, amiziading ki upmawh, sansaat, khiinkhai thei hi.

Thusialasia, mi’ hoihlohna, mi e’ngkona, mi e’ngkapna, mi hawmtawhna, mi’vai teng peuh buaipih niloh etc….

Thu le la, lim le mann apost khiat peuhpeuh pen, asim aente’ theihtelnop laitak dinglian a laklawh sak mahmah citciatse….. thu kicing a, khahlo sese….

Melhoih, lasaksiam, muziksiam, tukpengsuih siam honkhat gualdeudau in, kua siamsapen cih pongmawk khawng….. khiatna deihna tupna ngimna omlo, phatuamna zong a om beeklo tenam…..

KAMMAL HOIH PAWLKHAT Rev Hau Lian Kham (Sia Khambawi)

*Igualzawhlam itelloh manin, a guallel ihi hi.

*Makaihoih apiangsak makai, makaihoih ahi hi.

*Thungetna tawh muituum lehang, vangliatna in kha hi.

*Lungdamna ikhan’saknop leh, hawmkhiatding ahi hi.

*Alungkiate gualzo ngeilo a, agualzote lungkia ngeilo hi.

*Na pian’thakcila na ki appna, Pasianin tudong mangngilhlo hi.

*Pasian nasepna ah mival omlo, ama munding lopi ah om, cihbek omhi.

*Pasianin ei’ le ei’ ikiphatding deihlo a, Amah iphat dingbek deih hi.

*Leitungah inuntak hangin, leitung adingin, inungtakei hi.

*Pasianin mipilte zang napi’n, akipilsakte zang theilo sese hi.

*I zon’te imudinga, itaisante’n hong taisan ding hi.

*Na lungkhamsak ke’nla, nakhuk khamsakzaw in.

*Kha lamah na saan’nop leh, khukdin’ kisin in.

*Tapil akisap zahin, papil zong kisamh hi.

Ka lungdam, Munkhai’pa