Ngaihno… Bye Bye, Taata, Mangpha ~ Lengtong Pauno

Ngaihno… Bye Bye, Taata, Mangpha ~ Lengtong Pauno

Nidanglai inah, gamlianpi a uk Empire kumpipa’ tapa khatin, anasia mahmah leitungbup level in mopawi bawla duangsuah meelhoih Lia Cinghoihkim tawh kiteeng uh hi.

Ni 7 mopawi abawlkhit ciangin, anupa uh’n Honeymoon paidingin hongki thawi uh hi. Motor vanleeng cihte omnailo ahihmanin, sakol kaang khat tungah hong tuangkhawm uh hi.

Khamlengun suangmanpha tampi puading cih thei ahihmanin, lampi ah migilo (damiah) 8 in, damiah taih nuamin napang uh hi.

Kumpipa tapa in thaltang tang 7 bek pua a, thaltang 7 tawh damiah 7 akap lupkhit hangin, damiah bupa omlai mawk ahihmanin, hong kilai (Fighting) ta uh hi.

Kumpipa tapa in, alawmnu kiangah, ”Ka tem hongkhak ou” acih leh, alawmnu in, alawmpa khutah atemlam, damiah bupa’ khutah abullam khakmawk ahihmanin damiah bu pa’n, alawmpa kumpipa tapa dawtlum mawk hi.

Kumpipa tapa asihkhitciangin, damiah bupa in, akham angun leh suangmanpha teng ipkhat ah guang meengmeeng a, kumpipa’ tapa zi tawh hong taikhiakhawmta uh hi.

Apaina lampi amaivuah gunpi (River) khat na luangmawk hi. Damiahbupa in, alawmnu kiangah, ”Hihguntui athuuk adai’ leh akhauh aneem theilo ihihmanin, kei guakin va kisin photning, nang’ hilai ah na ngakin, ivanteng, gungal ah ka vakoihkhitciangin, kong pikik ding hi” ci in tuisungah tuaksuk hi.

Tuinawllam atun’ciangin damiah bupa in, kumpipa tapazi’ kiangah, ”Kumpinu aw, guntuiluang khauhlua mahmahin, keibek zong sihlenaan’ a hiciang atung hi ing, nang hong pikikzo nawnkei ning, mangpha maw” acihsan leh, alawmnu in, ”Ke’n nang kongit kongngaih luatman a, gamuk kumpinu kahihding sanga, damiahpa’zi kahihding, nang hong teelzaw hilo kahiam? Hong nusia ke’n maw U… bu… miah” ci in kapbaba keei hi.

More: “Zomite hong laamto in” kaphuahna ahang ~ Lengtong Pauno

Damiahbupa in, ”Na gendik hi, kumpinu dinmunh sang’… damiahpa’zi dinmunh teelzaw a, kumpipading khatpen damiah khattawh kheekngam nahihciang, kei damiah lellel khatbel, bang tawh nongkheek zentam? Laukhol ing, dahkhol ing, hong kihta ing. Mangpha na man ou” ci in apaikhiatsan vingveng hi. Ka lungdam, Munkhai’pa