Mizoram pan Singapore ah inn nasem bawlsiat athuaknu a inn tungkikta

Mizoram pan Myanmar gam tawn in Singapore a inn nasem bawlsiat thuaknu a inn tungta

Nl Lalpekmawii pen akhua Lawngtlai, Mizoram panin Singapore ah inn nasep sem dingin 2016 March kha pawlin paikhia hi. Innpan in Agentte in Aizawl – Zokhawthar – Kalaymyo cihdan in kha in March kha beikuan in Yangon Agent Akungi te inn cidam in tung hi. Agentte in vaiteng saisak in May 2016 in Singapore tung hi. Singapore atun ciangin pau theilo mah in nasep bel lem bilbel hi.

Asawt sim kha 4 khit ciangin agilna theizel ahih manin zato kilak aa zato te in natna bangmah neilo ci ahih manin kumkhat val bang 2017 November ciang nasem hi. October 2017 beikuan ciangin MOMte aomna inn ah vapai uh a akum adot ciangun aman in genkha (kum 17, amau 22 cihsak) ahih manin inntek te heh mahmah uh hi.

Tua kawmkal ah agilna theizel pen aki etsak uhleh agilpi ah lungno om ci uh ahih manin nasep lem nawnlo ci-in ciah dingin apute in sawl zel uh hi. Tua bangteng tawh amah zong inntek te in ciah dingin sawlzel ahih manin MOM te tung tawnin ciah ding a vaihawm ciangin Singapore Agentte in lemsa lo leuleu in kitel khial uh hi.

Ahi zongin 8 December 2017 ni-in cidam takin Yangon ong tung hi. Yangon ong tun hangin adawnding leh avan ding omlo ahih manin ong kihilh takciang Vanleng tual ah CTUM pan khat, ICIC pan Nyeinnyein tawh kiho in kidawn thei hi. Palikte in alaiteng etsak uh aa, tuapan amau sep aman ciang Agentte tawh kisai hita leh theihhuai akhua atui anu leh pa teng dongin vai ding ka gelkhawm uh hi.

Amah pen Mizoram (gamdang) mi ongsuak ahih manin bangci vaihawm ding ci-in kikum in tua kia hilo passport bangci ngah cihte Agentte tawh kikal vaiteng kivan sak pah hi. Aman bel Agentte kiang ongpuak mahmah kei un ci ngaungau hi. YZTP (Yangon Zofa Thalai Pawl) kiko in amau zong aciah zia ding ong gelpih uh hi. Tua bangteng kawlkal ah amahpen kum cinglo ahih nang hangtawh Agentte kankhiat vek aa avaiteng sai ding in ICIC leh CTUM tavuan lak dingin ki koih hi.

More: Singapore ah Myanmar innteeng nasemkhat inndawl 18 pan kia in si

Sanggamnu pen amanlang theithei aa inn atun nading ki vaihawm sak in cidam in inn tungta hi. Ama honggen haksat nate lak ah athuak haksa deuh acihte : pute simmawh, agentte thu simloh, haibawl in ko ekek, khat veivei apang beng ek, agen khitloh adang zong omtuak lai hi. Ref: Phualva Lungtuak Media/ Pau Khan Sing Tunglut