A nihveina tangkha tui akhauh zawdeuh ~ Sia Do Khup
A KIHAI ZO DING HI MAI HI. Zingsang nai 5 a kipan oxygen deih hong pai, cina khat in ni khatin bung 10-20 bei, Kawlpi khuazang bek hinawnlo Bodiman dongah hong kila hita, tua teng ading ken bang ci vaihawm zawh ding, lungsim paikhial dekdek ta hi..
PAWLPI SUMTE BANG A ZAT SAWM
Pawlpi khat in oxygen bung 1000 bang lei ding hi lel hi. Ka lawmte mi 3 in cina 3 a khoi nading uh bung 180 lei uh hi. Innkuan khat ii neih zah nangawn pawlpi lianpipite in neilo cih bang zawzen.
NA PAWLPI TAISAN MENGMENG IN
Pawlpi mite huih kisam a nak leekleek napi, pawlpi sum a zang khia nuam lo pawlpi a om khempeuh in na pawlpi uh nusia mengmeng unla, a pawlpi mite a don a kem pawlpite ah tai mengmeng un. Pawlpi cih pen hih bang hun a ding a i belh ahi hi.
COVID 19 LEH CINA GIM DANGTE KIBANG LO
Nidangin ZYA in a gol bung 4 a neu bung 10 khawng a kinei zong Kawlpi kuam Zomite adingin kicing lel hi. Cina gim khat pen oxygen 15L khat tawh zan hak zo lel hi. Ahih hangin Covid 19 tawh cina gim khat in zan khat in 40L bung 10 bang bei himawk hi.
I NU I PA I KHOI NADING LEI KUL, A SIH KHIT CIANG KAWHSAH PEUH MUALSUANG PEUH TAWH SUM BEISAK LO DING
Kei zong ka u tegel gim mahmah uh a, a tate kiangah nu leh pa ading sum bei kul hi, ci-in mau aituam ading inn khat 40L bung 20 ta ka aanaa leisak hi. A kawmna munte in mi khempeuh adingin a et kul ahih manin cina khat bek tungah bung tampipi kipia zolo hi. Ei cina ading i lunghimawh bangin midang ten zong amau cina ading lunghimawh hi, cih phawk kul hi. KHA LUA NA SAK LEH CIKHUM TAWM NA HEL OU LEH. Sia Do Khup
Comment piaknop aomleh...