Ngah leh ngahloh tawh kisailo

Ngah leh ngahloh tawh kisailo

Tulai Zomi pawlkhat ngaihsutna lamdang sa mahmah ingh. Union Parliament ah MP ten Dotna dong limlim uh leh cihtawh kalsuan uh hi. Tuatawh kizui in Pu Cin Khan Pau in dotna dong zel hi. A dot lak ah khat zong ngah nailo hi. Ngah leh ngah loh tawh kisailo, dongh limlim ding acite lungkim incin, mipi tangmi khat hilengh supna lianpi hi ci in ka mipi tungah pulak ding hingh.

Hluttaw sung pen Gulbawm leh Cingia hon omna tawh kibang in mu ingh. Ki hazatna vive zong kidim ci hi. Khantohna a deihlo MP khat zong omlo, a mau mun tek puahnuam vive om uh hi. 2015-16 Union Budget sang in 2017-18 Union Budget tawm zaw mawk hi.

MP khat in dotna bek dong lo a, ih kisap ih deihte hong ngah pih ding thupi hi. Hluttaw ah mi zak in a nget sese loh hang hong ngahpih peuh leh thupi zaw hi. Union Parliament ah Chin State MP pan 30 val vei ding khin uh a, khat vei zong ki Amen lo hi.

Gamdang Parliament tedan in lungkim tantan kinial cih hilo in, minute 6 khong laisim in a kisai vuakyi in dawng a aw ci a tu , thudong ten cih theihna nei nailo hi. Pulpit tung ah Pastorten thu agen uh ciang anuai pan ih dawng theih loh tawh kibangh phial hi.

SNLD ten bel Minam puan silh a, Kawlte kiang ah tokai / Khutdawh dong ngeilo ding cidan uh hi. Minam puan silh a Kawlte kiangah kei a ding kuaman khutdawh na dong kei tapeuh un.

Tampi tak lak ah gentehna thum:

Nakzang Lei pen Hluttaw ah akisungh hilo hi. kiman khin hi. Ih lunggulh mahmah Tedim Sanginn pi zong Hluttaw ah kisungh hilo hi. Zampi pan Haiciin ciang suang phah ding vaizong Hluttaw ah ki sung hilo hi.

Kawlte vai Uliante kiang ah vahawh siam mahmah kisam dan hi. Union Minister te va maiet zawh mahmah kisam dan hi.

Lungdam
Cin Lian Khai (Zogamkhaino)