Zomi Innkuan USA, Inc. (Date : 05/04/2017)
Dahna Pulakna : Mangpha Pa Stephen Pau Suan Kim @ Kimpu, Kum 41 (Naulak beh)
USA gam, Iowa State, Des Moines khuapi a teng Pa Stephen Pau Suan Kim, Kum 41 (Naulak beh) in a beisa April 21, 2017 ni-in mi gilo (Robbery) te khutlumtawh mulkimhuaitakin mual ong liamsanvat cihthu izakmanin ZomInnkuan USA kipawlna in nakpitakin kidahpih, ki lainatpih mahmah hi.
Pa Kimpu pen Zogam, Tonzang Khuapi ateng hi-in Nuntak khuasakna anuamzawding lunggulhna tawh abeisa 2009 kum in a zi tawh USA ongtung uh ahihi. USA a tunkhit Pasian thupha ta Pasal 3 ong nei uhhi.
Innkuana Pasian thuphate simkhawm laitak, mailam nuntaknading masuan tuamtuamte azopteklaitak un Innkuansungah Papen, nisimnuntak nading a zongpipenin hicibanga ong nusiat vatmawkpen Ki khasiatpih, na kisakpih mahmah hi.
Pa Kimpu pen USA leitang tunga ong nusia Zomi sanggam laizom khat hihnatawh lainatpihna, Dahpihna lahna in Zomi Innkuan USA kipawlna in Paakkual khattawh Mangpha khakna kinei ding hi.
Pa Kimpu tawh anunungpen hunzatkhopding pen ongtungding May 6, 2017 (Saturday) ni-in RC pawlpi ngeina tawh a nunungpen Biakpiakkhopna leh hanmual ah vuina kinei ding hi.
Related: US, Iowa State ah Pa Stephen Pau Suan Kim (Tonzang, Naulak) thautawh kikaplum
I it mahmah i sanggampa Pa Kimpu ongnusiatna hanga adah akap, alunglengkhuangai a innkuanpih a zi a tate, pianna Tuunnu, Pianpih sanggam laizomteng leh khuapihtuipih tanaumeltheih, Pawlpimi, Zomipih akuamapeuh tungah ibiak Vanglian Pasian khasiangtho in aluang khituite ong nulsakhenla lungnoptawldamna ongguan kimciat tahen cih Zomi Innkuan USA kipawlna in thu kongngetpih uhhi.
Dahpihna lianpi tawh,
Zomi Innkuan USA, Inc.
Taang’ in,
Pa Tual Sawm Lian
Secretary of Genvai
May 04, 2017
Comment piaknop aomleh...