Singapore ah Sakhituihup “Rainbow” lamdang khat kimu

Singapore ah Sakhituihup “Rainbow” lamdang khat kimu

Sakhituihup ihcih “Rainbow” pen atheilo omloding hi. Ahi zongin tuni (Feb 20) ni in Singapore ah akimu Rainbow pen tuamdiak in, zong etlawm mahmah kici hi. Fire Rainbow acihte hiding ci’n kigen a, Singapore muntuamtuam panin kimuthei kici hi.

National Serviceman alutlaitak ahi Aaron Toh kici kum 23 aphakhin khatin Straitis Times tekiang agenna ah tuni nitaklam 5pm hunpawl in Bishan 8 Condominium aom Swimming Pool gei ah ka omlaitak, vantung ah atang ngawh mahmah, Rainbow tuamdiak khat kamu ci’n genkhia hi.

Nidanglah hilo in, tuamdiak mahmah cihi. Mei asunglam panin avang atangkhia tawh kibangin, adenciangin tuapen Rainbow hongsuakkhia cihi. Hihbangin amuhpen amahzong lamdangsa ahih manin etsuaksuak a, Minute 15 sungbang sawt cihi.

Manzaih a ukmahmah khat ahi Photography Enthusiast Scott Cheng kici kum 16 aphapan sangnaupang khatpa inzong hih Rainbow pen na galmuh hi. Amahpen Bishan Street 25 ah aom hi a, tuapan in hih Rainbow galmuh in lamdang kasa mahmah cihi.

Pawlkhat in Fire Rainbow acihte hiding in ummawh uhhi. Hihpen Photoshop cihte tawh aki bawltawm hilo hi. ZD Sawltak #zomidaily