New York Bus Terminal ah apuakkhamthei akoih pasal khat kiman

New York Bus Terminal ah apuakkhamthei akoih pasal khat kiman

New York City sung aom Bus Terminal khatah pasal khatin Briefcase sungah apuakkhamthei “Crude Explosive Device” koihin nusia cih 7News Yahoo pan kiza hi. Tuapa pen kum 39 aphakhin Arsenio Mason kici minnei khat hi a, Thursday ni in galvan Weapon aneihman leh kumpi phalloh van apuakman in kiman cihi.

Thunei te genkhiatna ah hih Arsenio Mason kicipa in Wednesday ni nitaklam in Port Authority of New York leh New Jersey Bus Terminal aom mohzuakna saisung khatah Briefcase khat nusia cihi. Tua Bus Terminal pen New York City sungah Bus alut apusuak tawh abuaimahmah den Terminal khat ahihi.

Bomb Squad Detective te genkhiatna ah tua Briefcase sungah Crude Device kikoih in, puakkham manlo ahih manin asi aliam cihte buaina ommanlo ci uhhi.

New York Police te’n ahunlap in tuapa zong mantheipah uh a, apumpi tungah guihtheih khamtheih vankham Methamphetamine zong pawlkhat mukhia uhhi.

New York Post pan aki zakbehna ah Arsenio Mason in apuakkhamthei van anutsiatna pen Port Authority Bus Terminal sung aom Deli Plus kici nektheih kizuakna saisung ah anusia kici hi. Anutsiat hunpen Wednesday nitaklam 5:15pm hun ahihi.

More: Kawlgam Tanakha kidop huai ci’n New York zato khatah Warning kisuang

Police Source pan akizakna ah hihpa pen California State, Oregon State, Alaska State leh Washington State sungteng ahzong Criminal Record neikawikawi ci uhhi. Abeisa inzong guihtheih khamtheih zatna, van gukna leh gamtat khialhna tuamtuam anei ngeikhat kici hi. ZD Sawltak #zomidaily