Naupangno abuan pasal khat aciltang ki tankhiatsak in si

Naupangno abuan pasal khat aciltang ki tankhiatsak in si

South Africa gamsung ah pasal hongkhat in sangnaupang buanhuan “Gang Rape” uhhi. Tua bangin naupangno kumcingnailo akibuan om cih akitheih ciangin khuasung mipi te hehmahmah uh a, naupangno te abuan lakah akihel pasal khatpa pen mipi te’n aciltang tankhiatsak uh cih Metro News pan kiza hi.

South Africa, Johannesburg geinai aom Ivory Park ah nungdiak in thupiang hi a, buan athuak sangnaupang numeino tepen kum 14 leh kum 18 bek aphapan uh ahihi. Numeino abuan pasal tepen mi 3 kici a, kikhel ngekngek in buanhuan uhhi.

Khuasung mipi te’n hihthu atheih uhciangin mibuan te manding in kithawi uh a, tuaciangin mibuan pasal 2 tepen taisuah uhhi. Ahi zongin mibuan pasal khatpa pen manthei uh a, acil gehsak uhhi. Tuabangin acil agehsakna uhhang in tuapa pen sisuak cih kiza hi.

Aki taisuah mibuan pasal 2 tezong akhuanung ah Police te’n mankik thei veve uhhi. Police spokesman colonel Lungelo Dlamini in hihvai tawh kisai in agenna ah tua numei 2 tepen khetawh apai uh hi a, mibuan pasal te’n temta leh thau tawi in nawngkaisak uhhi. Tuakhit ciangin numeino te lencip uh a, kikhel in buan uhhi ci’n palik thuneipa’n genkhia hi.

Tuabangin thupiang amukha Witness khatin khuasung mipi te kiangah zasakpah a, tuaciangin khuasung mipi te ki kaikhawmpah ngeingai in delhpah uhhi.

More: Malaysia, Ampang vengsung ah papai khatin kum 10 aphapan atanu buanzel ahih manin kiman

Police te’n khuasung mipi te kiangah buaina aom ciangin nothu tawh bangmah thu nabawlpah kei unla, kumpi thunei te hong zasak masa un. Kumpi thukhun ombangin thu kibawlding hi ci’n genkhia uhhi. Ahi zongin hih mibuanpa sihna vaitawh khuasungmi mat athuak kuamah omlo cihthu kiza hi. A ciltang ki tankhiatsaklo in, bangmah thu kibawllo hileh naupangno bangmah in buan athuakbeh khalaitam??? Sawltak #zomidaily