GZA (Global Zomi Alliance) President tung Laikhak

GZA (Global Zomi Alliance) President tung Laikhak

Dear Rev. Dr. Pau Khan En,
President
c/o Rev. Dr. Chin Do Kham,
General Secretary

A masa pen in GZA Youth Committee member sung ah ka min nong ki hel sak man un lungdam leh angtang ing.

Zomi a kua maciat, a neu a lian in Zomi leh Zogam a it leh a ngai tek hi hang a, sep theih bang in Zomi leh Zogam khan toh nang asem nuam tek i hihi. Leitung ah Israel te leh ei Zomi te bek in i om om na pan i gam i lei a dawn, a huai nuam, a huh nuam lungsim nei ding in ka lam en phial hi. Sep theih ding zong tampi tak om a, sepdan ding zong tampi tak om mah hi. A bei sa hun a hi zong, tu lai tak a hi zong luangkham in Zomi leh Zogam a ding nasem mitam pi tak zong om hi.

A hi zong in Zomi leh Zogam bup khantoh nang hanciam na tangthu en to kik leng a si ngam mi thum leh li kipawl khawm in sepna tawh hong piang zo lo ding a hih lam, ki lang khia mah mah hi. Mipi bup a huam ding, a nung ta khawm ding kipawl na lianpi khat min in kipawl khawm in sem le hang a si ngam li leh nga te sepsang in tangzai zaw ding leh lawhcing zaw ding cih kei mimal upna a hi hi.

Hih tawh ki tuak in GZA in Zomi bup a huam thei ding kipawl na lian khat in hong om thei a hih man in, ka lunggulh na hong cing khia cih ding hi. Mikhat guak sang in, minih nasep hoih zaw a, mi nih sang in kipawl na khat hoih zaw lai hi. Mi tawm khat ki pawl khopna sang in mitampi kipawl khop na in na lian tampi tak sem zo zaw ding hi.

GZA ngim na leh tup na a hi, Zomi te khempeuh kipum khat nang leh khantoh nang cih pen a kisam pen hi a, mimal in ka lunggulh pen zong a hi pah hi. GZA min tawh bang mah sep khiat na om thei nai lohi. Koi ci sep ding, bang ci sep ding cih ka theih nai loh hang, GZA te ngimna leh tupna te ka deih a, ka thu kimpih hi. Ngim na leh tupna a hoih nei peuh leng lam ki pial khial lo ding in ka um hi.

Tua a hih man in, GZA Youth Committee ding nong sapna te uh, lungkim tak in kong dawng kik hi.

GZA hong pian khiat ma in ‘phu lum phul nang lei kha in pet let’, a cih man bang in, Zomi leh Zogam a ding kipawl na tuam tuam te in GZA kipawlna lian khat hong pian khiat theih nang, lam hong sial a hih man in a mau te tung zong ‘lungdam na leh zahtak na’ i piak ding kisam ding hi.

Zahtak na tawh,
Cin Sian Dal
UK