Naupang kum 9 khatin asanggam kum 13 aphapan khat thautawh kaplum
USA, Mississippi State sungah pasalno naupang kum 9 aphapan khatin asanggam numei kum 13 aphapan khat thautawh kaplum cih thuthang Yahoo pan kiza hi. Kimawlna Video Game Controller kituh in, aki kaplum uh ciliang hi.
Monroe County Sheriff Cecil Cantrell in agenkhiatna ah Saturday ni in thupiang hi a, kum 13 aphapan asanggamnu in Game kimawlna Controller pianuamlo ahih manin, anaupa in thautawh akaplum hi ci’n genkhia hi.
Reports aki pulakkhiatna ah anaupa in asanggamnu pen anunglam panin alu thautawh akapsak cihi.
Tua thautang pen numeino ii akhuak sungah lutsuk in, Memphis, Tennessee aom Hospital khatah kipuakpah hi. Aliamna pen huaisia mahmah in, Critical Condition tawh zato ah akikem hi a, azingciang Sunday ni in sipah hi.
Tua thautawh akappa pen kum 9 bekbek hipan a, hih naupang in thaupen koipan ngahtheihiam, thau ii alauhuaizia atheidiam cih thuneite’n limkan mahmah uhhi.
Sheriff Cantrell in agenna ah thau akap naupangno pen kum 9 bekbek hipan a, Video Games leh TV sungkhawng ah thau kikapdan mukha hiding in ka ummawh hi ci’n genkhia hi. Thau in bangcibang lauhuaina piangsakthei cih atheidiam. Naupang kum 9 phapan thaukikap cihpen ka phutkhak, katuahkhak cilna hi ci’n genbeh hi.
United States gamsung ah thau kikap cihpen aom zelzel thupiang hi a, tuahang mahinzong “Gun Control” bangci bawlding cih kikup kinialna aom ngeingaizel ahihi.
Nungkum September khasung inzong US gamsung aom naupang kepna “Home Daycare Center” khatah naupangno khatin Handgun thautawh alawmte kapkha ahih manin, kum 3 aphapan naupang 2 in liamlawh uhhi.
More: US Michigan sangnaupang khatin anu leh apa thautawh kaplum
theSun te pulakna ah tua kaplup athuak numeino pen amin Dijonae White ci uhhi. A naupa in akaplup laitak in anu zong innsung ah aom hi a, a tangek tekhat anpia in aomlaitak in thupiang kici hi. US gamsung ah naupang cikcik in thautawi in, tuahsiatna tampi piangkhinta hi. Sawltak #zomidaily
Comment piaknop aomleh...