Zawhngeu lamdang khatsuak: maitang 2 leh mittang 3 nei

Zawhngeu lamdang khatsuak: maitang 2 leh mittang 3 nei

South Africa, Eastern Cape khuapi sungah abeisa December 12 ni in Zawhngeu lamdang mahmahkhat suak cihi. Tua Zawhngeu pen maitang 2 nei in, amittang zong 3 pha citciat hi.

Adang apumpi ahihleh khe 4, amai 1 leh bil 2 cihbangin adang Zawhngeu te mahtawh kibang hi. Hih Zawhngeu pen amin Bettie Bee ci’n kiphuak hi.

Bettie Bee pen alamdang mahmah aomngei pakpak hetlo maitang 2 anei “Janus Cat” akici “Two-faced Cat” namte ahihi. Janus cihpen tanglai Roman biakna tangthu te ah pasian khatin a ngaihsut uh apatna pan atawpna “the god of beginnings, gates, transitions, time, duality, doorways, passages, and endings” kici a, alim akisuah ciangin maitang 2 ta ki neisak hi.

Hih Zawhngeu pen maitang 2 neimawk ahih manin, akep pen hamsa mahmah cihi. Asawtlo in asih pahding patau ahih manin, anei Cat-owner te’n Zawhngeu kepsiam “Cat Rescuer” te kiangah paipih hi.

Tua Cat Rescuer te’n tua Zawhngeu pen an anektheih nadingin Tube-feeding ci’n Pipe tawh pia uhhi.

Hih Zawhngeu pen maitang nih anei ahih manin, akamzong nihmah phahi. Tua akamte khatzawkzawk panin an akipia tepen anihin agilsung mah tungsukthei cihi.

Video: Kitten has two faces and three eyes 

Tua Cat Rescuer te’n hih Zawhngeu lamdang Bettie Bee adingin atuamngiat in Facebook Page khat bawlsak uhhi. Tua Facebook Page tungah Zawhngeu ii aomzia, anunzia cihte ahunhun in Update bawltoto ding uh cihi.

Atung a Video pen Zawhngeu asuahzawh ni 6 aphak in akizaih ahihi. Tu’n tua Zawhngeu kal 2 phakhinta a, tuciangciang bangmah cilo, hoihtak in nungtatheilai hi.

More: Zawhngeu khat temta tawh satgawp ahih manin, kum 7 thong kiading

Hih Zawhngeu pen zatuilam pilna siamna aneite’n agenna ah “craniofacial duplication” ahih keileh “diprosopus” kici namkhat hiding hi. Tuabang in lu 2 anei ganhing tepen ataktak in apeng “Twin” dingin akithawi hi a, ahi zongin anu gilsung ah aomlaitak in alu nihte kimat in hihbangin apiang hiding kici hi. Sawltak #zomidaily