Tuesday ni in London khuapisung aom Heathrow Airport panin alengkhia lianding in aki khinkhin laitak vanleng khat asungah Bomb om ci’n ki lauthawngsak ahih manin ki khawlsakkik cih Straits Times pan kiza hi.
Tua vanleng pen “Virgin Atlantic” te vanleng khat ahihi. Manchester khuasung ah Bomb apuakkhap khitzawh asawtlo in hih vanleng alengkhiading in akithawi ahihi.
Manchester khuasung ah Bomb kitapna hangin mipi alinglawng mahmah laitak himawk a, vanleng sungah Bomb omhi ci’h “Bomb Threat” akizak ciangin kilau mahmah a, kinak upkhialua mahmahzen hi.
Tua ahih manin vanlenghawlpa’n vanlengsung ah atuang dimdiam khinsa Passengers teng avekin pusuak khiasakkik cihi.
Hih vanleng tungah atuang Passenger khatin agenkhiatna ah Captain pa’n vanleng tungah nasemteng avekin amaibuk ah sampah a, tuakhitzawh asawtlo Minute 10 khawng ciangin vanlengsung aom Passenger khempeuh avekin tuakkhia un hongcimawk ci’n genkhia hi.
Passenger khempeuh khatkhitkhat abanban in ki kumsak in, apumpi uh avekin sitcianna “Full body scan” bawlsak ciatciat uhhi. Lungkimtak in Bomb omtakpi hiam cih thunei te’n azonkhit dikdek ciangin Passenger teng vanleng tungah kahto sakkikpan hi.
Ahi zongin Passenger pawlkhat in hih vanleng tungah atuankikding lunghimawh in utnawnlo uh a, adang vanleng tawh hong laihsak un ci’n ngetna aneizong pawlkhat om uhhi.
Vanleng sungah Bomb omhi ci’n kigenmawk ahih manin, Bomb akimuhlian lohhangin asungah atuangkik te pen lungnuam hetlo in, dipkua pipi in khualzin zomkik uhhi.
Virgin Atlantic Spokesman khat ii genkhiatna ah hih vanleng pen London Heathrow panin Dubai khuapi zuanin alengkhia cihi.
Bomb Threat akizak ciangin Security thupi mahmah ahih manin, Passenger teng avekin aki sitcian ahihi ci’n genkhia hi.
Manchester khuasung Concert pawipi ah Bomb asukham zong IS te’n ko ii gamtatna hi ci’n genkhia cih kiza hi. Hih Manchester Bomb kitapna hangin mi 22 takin sihlawh uhhi. ZD Sawltak #zomidaily
Comment piaknop aomleh...