USA, Nashville panin Pi Cingh Za Niang (Thuklai, Tunngo beh) in hongnusia

DAHPIHNA LAI (CONDOLENCE LETTER) Mangpha Pi Cingh Za Niang, Tunngo Beh, Kum 60

Thuklai Khuami Nashville, TN USA ateng Pi Cingh Za Niang in abeisa November 17, 2018 in gil sunglam dam lohna tawh Nashville Southern Hills Zatopi pan ongnusia cihthu izaakmanin ZIUSA kipawlna mintawh nakpitakin kidahpih kilainatpih hi.

Pi Cingh Za Niang pen abeisa February,2018 kumin Pasian lamhonsakna tawh USA ongtung ahihi.Pi Niang pen USA leitang tunga ong nusia Zomi Unau laizom khat ahihmanin dahpihna lainatpihna lahna in ZIUSA kipawlna in paakkual $150 man khattawh mangpha khakna kinei ding hi.

Pi Niang tawh anunungpen hunzatkhop ding pen ong tungding Wednesday November 21,2018 11:00am to 1:00PM hun-in Woodfin Funeral Chapels,203 Lowry Street Smyra,TN 37167 ah Zomi Christian Church makaihna tawh hehnep hunbawlkhopna kinei dinga Rev. Dal Deih Piang in Pasian kammal tawh hanthotna leh hehnep na ongneih dinga tuakhitciangin hanmualah vuina kineidinghi.

Pi Niang ong nusiatna hanga adahakap sangam tanau meltheih khuapih tuipih beh leh phung akuamakhempeuh I biak Pasian in a makiangpana ongpai khasiangtho in ong hehnem tek henla aluang khituite ong nulsakin lungnop tawldamna ong guat kimciat nading ZIUSA kipawlna in thu kingetpih hi.

Dahpihna Lianpitawh, ZIUSA Genvai Tanupi Contact Pu Mun Mang
1706 8th Ave, Apt.304, Oakland CA 94606