Malaysia, Kajang vengsung aom inntung khatpan naungek suakcil kilawnsuk

Malaysia, Kajang vengsung aom inntung khatpan naungek suakcil kilawnsuk

Malaysia, Kajang vengsung ah naungek suakcilkhat inntung panin ki lawnsukziau cimawk hi. Hentian Kajang, Jalan Hentian 4 sung aom Building khat ii inndawl 2 Floor panin naungek suakcil aki lawnsuk hi a, ansai Restaurant khat ii anungkhat ah tusuk cihi.

Restaurant sungah aomkha vanlei khatin tua naungek kilawnsuk amuh ciangin amanlangin tawmpheipah a, ageinai aom Clinic khatah puaksakpah uhhi. Tuakhit ciangin Kajang Hospital ah kipuaksawn a, naungek pen silo in, anuntakna ki honkhiathei cih NST pan kiza hi.

Restaurant ansai sungah aomkha pen kum 33 aphakhin Thayalan Paliandy kicikhat hi a, amahpen tualaitak in ansai sungah anne in aomlaitak ahihi. Tualaitak in agin ngaihmahmahkhat zakha in, tuakhit ciangin nasemte khat akugawp zakha hi.

Tuaciangin amahzong amanlang in delhpheipah a, a etphei ciangin naungek suakcilkhat leilak ah tangnawnlo in alumleulau mukha hi.

Tua naungek pen aci mualgawpta in alu leh anak panin si luangkhia hi. Amuh masak in tua naungek pen asikhin hidingin ngaihsun a, tualaitak in naungek ii akhut agamtang muvat hi.

Tuaciangin amanlangin taiphei a, Restaurant mailian anawkpheikha Factory Van mawtawkhat khawlsak in, huhna ngetsak hi. Tuamun panin 200 Meter gamlakna aom Clinic khatah hih naungek nong puaksakthei uhdiam ci’n huhna ngenhi.

Tua naungek pen hoihtak in nakthei nawnlo ahih manin, asihsuakding ka patau mahmah hi ci’n tuapa in genkhia hi. Tua naungek pen Clinic ah apaipih uhciangin Doctor te’n nakliamlua ahih manin amanlangin Kajang Hospital ah paipihzaw un ci’n sawl uhhi.

Video: A newborn baby boy survived after he was flung from the second floor of a building at Jalan Hentian 4, Hentian Bas Kajang here, but is in critical condition. It was learned that the baby was discovered by the owner of a nearby restaurant at about 5pm on Sunday (June 24).

Tuaciangin Kajang Hospital ah kipuaksuak in, Doctor te’nzong hoihtak in bawltheipah uhhi. Tulaitak pen ICU (Intensive Care Unit) ah aki keplaitak hi ci’n genkhia hi.

Tua naungek pen Indonesia numeikhat ii ata hiding in ki ummawh cihi. Tua Indonesia numeinu pen gamdangmi nasem te giahphual “Foreign Workers Hostel” ah Warden nasemkhat hi a, tua Hostel sungah gamdangmi bekbek 30 valbang aomkhawm ngeingai uh kici hi.

Kajang district police deputy chief Supt Mohd Sabri Abdullah in agenkhiatna ah hih thupiang pen zanni in Hentian Kajang vengsung ah thupiang hi a, kum 22 aphakhin Indonesia numei khatzong hihvai tawh kimankhinta hi ci’n genkhia hi.

More: India ah naungek suakcil asikhin kisa in zato te’n Plastic Bag tawh vuiding in piakhia

Tua ata ngek suakkhiacil alawnsuk Indonesia numeinu pen “Section 317 of the Penal Code (for child abandonment)” thukhun tawh kizui in thu kibawlding cih kiza hi. Naungek suakcil inntungpan lawnkhiasuk cihlawmlawm zong, bang lungsim neilawmlawm ahidiam mate….. Sawltak #zomidaily