Hurricane Irma huihpi hangin mi 23 sikhin, Florida aom te ki hemkhiasak

Hurricane Irma huihpi hangin mi 23 sikhin, Florida aom te ki hemkhiasak

Hurricane Irma kici huihpi in Caribbean kuamsungteng nawkgawp ahih manin, tuciangciang asi mi 23 phakhinta cih Fox News pan kiza hi. Hurricane Irma pen khauhlua mahmah in, Building innpi te susiagawp in, singkungte abul panin longkhiagawp hi.

Tu’n tua Hurricane Irma huihpi in USA, Florida lam manawhta ahih manin, kumpi thunei te’n khuasung mipi 5.6 Million te tungah na omna innpan un naki hemkhia un ci’n zaksakna neikhin uhhi.

Florida pen US gamsung aom State tengkhempeuh lakah agolpen thumna “third-largest state” ahihi. U.S. Census te ciaptehna ah Florida State sungah mimal 21 Million bang om ci uhhi.

Hurricane Irma huihpi patau in aki hemkhiading in akisawl pen mi 5.6 Million pha ci a, Florida State miphazah vekpi ii sehlisuah sehkhat (one quarter) sangin tamzaw cihi. State’s Hurricane Program Manager asem laitak ahi Andrew Sussman in Friday ni in Florida sung aom te kihepding in thu kizasak cihi.

United Kingdom te genkhiatna ah hih Hurricane Irma huihpi in Anguila Island zong nawkkhin in, khauhmahmah ahih manin innsia losia tammahmah cihi. Tuaban ah Thursday ni in Saint Martin Island leh Saint Barthelemy Island tezong nawkkha in limsiat mahmah cihi.

Video: Florida prepares for Irma after Turks and Caicos devastated by storm

Friday ni inzong Turks and Caicos Islands sungteng Hurricane Irma in nawkgawp a, khuasung limsiat mahmah hi. Khuasung ki thuzakna Communication tengzong kisiacip in, khualzin Tourist in aom, tuipinawl Beachside Resorts ah tawlnga in aomte zong mitampi kihemkhia cih kiza hi.

Hurricane Irma pen Florida sungah Weekend sungah luttheiding in ki ummawh ahih manin, kidawm un ci’n National Hurricane Center te’n Warning piakhin uhhi.

Related: Hurricane Matthew hangin Haiti gamah mi 283 sikhin

President Donald Trump inzong Florida, Puerto Rico, the U.S. Virgin Islands sungteng Emergencies in tangkokhin cih kiza hi. Hurricane Irma nawkkhak nadingin aki upmawhna te ah asiapen dingin aki gingsa in omkhin cihi. Hih kuamsung tengah aomkha te kikep siamding thupi mahmahding hi. Topa’n na ompih tahen! Sawltak #zomidaily