Japanese Company ulian khatin nasempa amaitang tuisabel sungah aphumsuk laitak Video ki thehzak

Japanese Company ulian khatin nasempa amaitang tuisabel sungah aphumsuk laitak Video ki thehzak

Japanese Entertainment Company khatah President asemkhat in anasemte khatpen ciamnuihna in amaitang Hotpot tuisabel sungah phumsuksak hi. Tuabangin amaitai tuiso valval sungah aphumsuk, adiahsuk sakna hangin tua nasempa in Japanese Entertainment Company ah President asempa pen thubawlsawm cih Daily Shincho pan kiza hi.

Hih buaina thupiang pen ataktak in apianzawh sawtkhinta a, kum 3 bang aphadekta kici hi. Ahi zongin President pa ii gamtatna hangin thukhenzum ah thu akibawlpen nungkalsung in akibawlpan hi a, tuazawh akipan President pa ii agamtatna Video Clip zong Social Media ah hongki khahkhia ahihi.

Banghangin thukibawlna Legal Action pen kum 3 khitciang kibawlpanhiam cihpen kitheicianlo a, ahi zongin tua Video Clip pen tulaitak minthang mahmah in, President pa ii gamtatna zong cikziat huai leh mulkimhuai kisa mahmah hi.

Tua nasempa pen kum 23 aphakhin khat hi a, amaitang tuisa sungah aphumsak President papen kum 25 aphakhin khat ahihi. Tua Japanese Entertainment Company ah kumbeipawi Year-end Party akibawl laitak in President pa in nasempa pen amaitang tuisabel sungah aphumsak ahihi.

Ageinai ahzong alawm agual te om ngeingai uh a, huhding sangsik in ageinai aom alawm agual te’n otsan ziahziah in thalawpsak semsem zawsop uhhi. Tuaban ah agei ahzong alawm naseppih te khatpen anekding Hotpot sungah anhuan hithiat in olmawhlo sawnsawn hi.

Video: A former employee at a Japanese entertainment company is suing its president after suffering serious burns when he was pushed face-first into a boiling pot of soup during a company event. A photo of the victim’s face in the aftermath showed painful blisters and scarring. When interviewed by Weekly Shincho, the president of the company claimed that the incident was “just a prank”. 

President pa in ciamnuihna leh mipi te agualnop anuihzak nadingin hihbangin agamta kici a, khatvei bekzong hilo in, nihveitak nasempa ii amaitang tuisabel sungah aphumsuksak ahihi. Anihna aphumsuksak ciangin Hotpot huanna belzong thuk “Stove” tungpanin taalkhialiang hi.

Nasempa ii amaitang pen nakliam mahmah a, aliamma leh aliamkhit Photo ki khahkhiakhawm in cikziat huai leh hehpihhuai mahmah hi. Tua President papen Weekly Shincho te’n Interview bawl uh a, banghangin tuabangin nasempa amaitang tuisabel sungah phumsak nahiam akicih ciangin ciamnuihna “Prank” in ka phumsak hi ci’n genkhiaziau hi.

More: Update: Japan gamsung ah khua lumlua mahmah ahih manin kalkhat sungin mi 65 si

Nasempa in tuabangin aki bawlsiatma inzong nasepna sungah hongki simmawhbawl, hong ki zawhthawhbawl mahmahden hi ci’n genkhia hi. Thagui thatang hongki gimsak banah lungsim ngaihsutna anawngkai theithei dinginzong hongki bawlsia zelzel hi ci’n genbeh hi. Nasepna sungah bawlsiat athuak, zawhthawhbawl athuakkha te’n imcipding hilo a, tungsiah thunei te ahih keileh kumpi thunei te tungah ahunlap in zaksak theihsakding thupi mahmah hi. Sawltak #zomidaily