Najib te nupa gamdang taisawm kici ahih manin vanlengtual ah kipang ngeingai

Najib te nupa gamdang taisawm kici ahih manin vanlengtual ah kipang ngeingai

Malaysia General Election panin aguallel, abeisa in kum 9 sung Prime Minister asem Najib leh azi pen gamdang ah taikhiatsawm cih thuthang hangin vanlengtual ah kipang ngeingai cih NST pan kiza hi.

Tuzingsang in Subang vengsung aom Subang Airport (Sultan Abdul Aziz Shah Airport) ah mipi tamlua ahih manin, mipi te a encikding in galkap Light Strike Force (LSF) tezong kisam in Gate tengah kicingsak hi.

Zanni in Astro Awani te’n agenna ah Malaysia gammakailui khat Indonesia gamlam ah taikhiading cih thuthang hangin vanlengtual ah aki ngakngeingai ahihi.

Prime Minister asemlui Datuk Seri Najib Razak leh azi Datin Seri Rosmah Mansor te gamdang ah taiding cih thuthang hangin akhakcipding, apangding in mipi aki kaikhawm uh ahihi.

Zingsang 5am hunpek akipan Subang Airport ah mipi 100 valbang angak in dimzihziah khinta uhhi.

Tua Najib te nupa atuannading vanleng pen Private Jet kici a, zingsang 6am hunin Subang Airport ah tungding a, tua vanleng tawh Indonesia, Jakarta City sung aom Halim Perdanakusuma Airport ah lengkhiading uh kici hi.

Mipi aki kaikhawm ngeingai te sungpan dotna akineihna ah Najib te nupa pen Malaysia gamsung panin ataikhiat theihloh nadingin akhamcipnuam kahi uhhi ci’n genkhia hi.

Tualaitak in Toyota Vellfire mawtaw khat honglutphei in, mipi te’n mawtawsung aomte apusuahkhiat nading, amel aki lahkhiat nadingun thupia uhhi.

Mipi te hehsemsem uh ahih manin, buaina apiangawploh nadingin POlice te’n Control phei uhhi.

Tuazawh minute 10 khitkhawng ciangin mawtaw sungah atuangpen Minister asemluikhat ahihlam kitheikhia hi. Tuapa pen Prime Minister’s Department Datuk Seri Shahidan Kassim ahihi.

Tua mawtaw sungah atuangpen Najib te nupa hilo ahih manin, Airport Area sungah ki lutphei saksam hi.

Najib inzong amazat Twitter tungah agelhkhiatna ah tawmvei ka tawlnga photding a, innkuan tetawh hunnuam kazang photding hi ci’n gelhkhia hi. Sawltak #zomidaily

Video: Scores of people who heard of news of former Prime Minister Datuk Seri Najib Tun Razak and his wife taking a flight to Indonesia waited for them at the Subang airport in Selangor in the wee hours of Saturday.

Malaysia gammakailui khatleh azi Indoneisa ah taikhiatsawm ci’n Astro Awani te’n pulak

Malaysia gamsung ah gammakai asemlui khatleh azi pen Indonesia gamsung ah taikhiatsawm hi ci’n Astro Awani te’n pulakkhia uhhi. Tua Government Leader pen amin tawh kipulak lianlo a, amau neihsa vanleng “Private Jet” zangin azi tawh Indonesia gamsung ah taikhiatsawm cihi.

Source akizakna ah tua Malaysia gammakailui leh azi tepen zingciang Saturday zingsang 6am hunin Subang aom Sultan Abdul Aziz Shah Airport panin Indonesia, Jakarta City zuanin Private Jet tawh lengkhiading cih kiza hi.

Tua News Portal leh Source te’n makailui pen aminbang cihpen pulaklo citciat uhhi.

Ahi zongin abeisa Wednesday ni in Malaysia gamsung ah makai kiteelna kinei in, Dr. Mahathir leh Najib Razak te kinakdem mahmah uhhi.

Pakatan Harapan (PH) panin Tun Dr Mahathir Mohamad in Prime Minister asemlui Datuk Seri Najib Razak ii Barisan Nasional (BN) ii Party pen zodipdep uhhi.

Dr. Mahathir zong zannitak in Malaysia gam ii a 7 na Prime Minister dingin kumpipa maiah kiciamna neikhinta hi.

Najib Razak pen tuni nitaklam in Putra World Trade Centre ah akibawl ahi UMNO (United Malays National Organisation) kipawlna te ii 72nd Anniversary ah kihel cihzong kiza hi.

Video: A scuffle broke out on Friday night after a committee member of Seputeh division supported a call by the Federal Territories Umno youth chief for the Umno leadership to take responsibility for losing the 14th General Election.

Abeisa in UMNO ah Najib pen President makaipi asem ahihi. Ahi zongin tu’n Najib pen President panmun panin kikhawlsakding cih Malay Mail pan kiza hi.

UMNO Youth exco member asemlaitak ahi Arman Azha Abu Hanifah inzong kiciantak in genkhia a, Najib pen amanlang in President makaipi panmun panin akhawl kul hi. Tua hileh UMNO in ki lamthakna neithei panding hi.

More: Kuala Lumpur ah Rohingya vaitawh kisai mi 100,000 in lungphona neihsawm

Najib pen manlangtak in akhawlding kisam hi. BN in 14th General Election ah asuppen Najib mawhpuak hi. Najib pen amuhdah hikei ung, ahi zongin Party vai akigen hizaw hi. Party sauveipi anuntaktheih nading aki lunggulh hizaw hi ci’n genkhia hi. Sawltak #zomidaily