UNFPA – UN in census vai tawh kisai in Zomite ngaihsutna theinuam

UNFPA – UN in census vai tawh kisai in Zomite ngaihsutna theinuam

11 MAY 2018: UNFPA – UN in census vai tawh kisai in Zomite ngaihsutna thei nuam uh hi. Tua tawh kimemat in tu ni in Zomi bup tangin ZCD President Pu Cin Sian Thang leh mi 6-te in Zangkong UN zumpi ah Census lam vaisai ulian nih tawh 09-11AM sung kimuh khopna va nei thei uh hi.

UNFPA Dotna: Bang hangin Chin tangin Zomi zang na hi uh hiam?
Dawnna: Ka zatna hang uh pen:

1. Tangtawn pan kipanin ZOMI a kicite ka hi uh hi.

2. Chin State sung a om mite Chin minam a kici khat zong om lo hi.

3. Chin cih in pau/lai leh ngeina nei lo ah manin minam in kiciamteh thei lo hi. Chin in common lai leh pau pen kawl pau leh lai zat kul hi. Tua ahih man Chin ka kicih uh ciangin kawl lai/pau tawh ka ngeina uh leh ka lai/ pau a phum cip ka hi uh hi.

4. Tua ahih manin census hun lai in UNFPA phalna tawh 914= Zomi cih ka zang uh hi.

Tua ahih leh hih 914 pen Kawlgam sung ah a om minam bang zah in zang hiam?

UNFPA Dawnna: Kawl sung ah gam mi (Citizens) ahi minam 27 in zang hi.

UNFPA Dotna: Census result thei le u cin bang phattuamna om ding hiam?

Zomi Dawnna: Kawl sung ah population pen million 52 lak pan Zomi 0.5 ka hih uh hi.

Chin State population lak panin 1/3 (Sehthum suah sehkhat) ka hi uh hi. Gam bup ah 0.5 ka hihna uh tawh kizui in:

1. NRC sung ah Zomi cih kiguang thei ta ding hi.

2. Ka National rights ka zang thei ding uh hi.

3. Minam representative (Member of Parliament) ka nei thei ding uh hi.

4. Kawl gam sungah a om minam tuamtuam tawh liangko kikim in vai ka hawm thei ding uh hi.

UNFPA Dotna: Chin National Action Committee on Census (CNACC) in “Kumpi in Chin minam 53 in hong ciamteh pen man loin Chin nuai ah nam 5: Laimi. Zomi. Khumi. Asho leh K-Cho bek om hi a cih uh bang ci na ngaihsut uh hiam?

Zomi Dawnna: ZCD leh Zomi Civil.Societies (ZCS) sung pan Kusale khat zong ka kihel loh ban uah theih zong ka thei kha kei uh hi.Tua CNACC pen UNFPA in bangci ngaihsut na hi uh hiam?

UNFPA Dawnna: Cesus man khit ciang thu hong lut pan ahih manin kisang thei lo hi.

Zomi dotna: 914=Zomi cih a data nong pia thei ding uh hiam?

UNFPA Dawnna: Lungkham kei un a data pen ahi bang lianin gam tuamtuam UNO memberte copy kipia kim hi. UN zum ah leh Kawlkumpi in zong kem uh hi. A mang thei nawn lo ding ahi hi.

Zomi Dotna: Cik ciangin hong phuang khia ding na hi uh hiam?

UNFPA Dawnna: Tua pen ko tavuan hi lo hi. Kawlgam Immigration tavuan ahi hi.

More: 2014 Myanmar Census vaitawh kisai anunung thukizakna

Tu ni pen Zomite ngaihsutna theihnopna tawh tawh kiho thei i hih manin lungdam hi. Zomite policy kiciantakin nong gente uh Census data ah guang pah ding ka hih manun date omna Zumte leh UNO ah a kipawl gam khempeuh zong om pah ding hi.

Hun nong piak uh lungdam cih tawh hun khak uh hi. Pu Khen Za Sian